ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

شىمكەنتتىك كاسىپكەر ەسەكتەردى سويىپ، بازارعا ساتقان با؟ (ۆيدەو)

14 مامىر 2024 420

13 مامىر كۇنى الەۋمەتتىك جەلىدە شىمكەنتتە كاسىپكەرلەردىڭ ءبىرى ساپالى ەت جەتكىزۋ ءۇشىن ىرىكتەلگەن ەسەكتەردى سويۋعا جىبەرگەنى تۋرالى اقپارات تارادى. بۇل تۋرالى Alash.kz Stan.kz سايتىنا سىلتەمە جاساپ حابارلايدى.

شىمكەنتتىك ەر ادام قالا ماڭىندا سويىلعان مالدى ساقتايتىن ءتيىستى ورىن جوق ەكەنىن جانە ول جەردە مۇلدەم تازالىق ساقتالماعانىن ايتتى.

“ال ەندى مىنە قاراڭىزدار. مىناۋ قۇرساي جاقتا، كومىر جاقتا قانشاما ەسەك ءجۇر. بۇل ەسەكتەر نە ىستەر ءجۇر؟ مىناۋ جەردەن مالدارعا، ياعني ەسەكتەرگە تاماقتىڭ قالدىقتارىن، جۋىندىنى بەرەدى. ءبارىن ىستەپ قويعان. اۋرۋدىڭ ءبارى قايدان تارايدى؟ وسى جەردەن تارايدى. ءقازىر مۇنىڭ ىشىندە ءبىر عانا رەفەرجۋراتور ىستەپ تۇر. ءقازىر ۋچاستكوۆىي شاقىردىق، كەلسىن. ودان بولەك 102-گە دە حابارلاستىق. مەديسينالىق ينسپەكسيا پەن ۆەتەرينارنايا ينسپەكسياسىن شاقىرىپ جاتىرمىز”، – دەدى قالا تۇرعىنى.

ايتا كەتەيىك، رەفريجەراتور – سويىلعان مال ەتىن ساقتايتىن توڭازىتقىش. 

سونىمەن قاتار وقىرمان ەسەكتىڭ سيراقتارى مەن ىشەكتەرىن قالا ماڭىنداعى شۇڭقىردان تاۋىپ العانىن ايتتى.

“شۇڭقىردىڭ ىشىندە سويىلعان ەسەكتەردىڭ قارنى، ىشەكتەرى، سيراقتارى جاتىر. مىنە، سىزدەرگە دالەل. بۇدان قالدى كاناليزاسيا ساسىپ تۇر. وزدەرىڭىز كورىپ تۇرعانداي مال سويىلىپ جاتىر. كەيبىرەۋلەر ايعىر ەسەكتىڭ قازىسىن جەپ ءماز بولىپ جۇرگەن شىعار. ءاي، قۇدايدان قورىقپايتىندار-اي!” – دەدى شىمكەنتتىك ەر ادام.

شىمكەنت اكىمدىگى وقيعانىڭ تۇران اۋدانىنداعى قۇرساي كوشەسى ماڭىندا بولعانىن راستادى.

“اۋىل شارۋاشىلىعى مينيسترلىگى ۆەتەريناريالىق باقىلاۋ جانە قاداعالاۋ كوميتەتىنىڭ اۋماقتىق ينسپەكسياسى، اۋىل شارۋاشىلىعى جانە ۆەتەريناريا دەپارتامەنتى قىزمەتكەرلەرىنىڭ وقيعا ورنىنا كوميسسيالىق بارۋ بارىسىندا شىمكەنت ۆەتەريناريالىق ستانسياسى، تۇران اۋدانىنىڭ جەرگىلىكتى پوليسيا قىزمەتى تىركەلمەگەن شارۋا قوجالىعىندا 104 باس ەسەك پەن 36 باس ۋاق مال ۇستايتىنىن انىقتادى (يەسىنىڭ ايتۋى بويىنشا)”، – دەلىنگەن حابارلامادا.

ۆيدەونى مىنا جەردەن كورە الاسىزدار

بۇل ماقالا تۋرالى نە ويلايسىز؟