ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

شىداعانشا شىداڭىز، كۇيەۋ بەكەر ۇرمايدى - بلوگەر

16 ءساۋىر 2024 411

تانىمال بلوگەر، گينەكولوگ-ەندوكرينولوگ  بالنۇر قوشانوۆا الەۋمەتتىك جەلىدەگى پاراقشاسىندا وتباسىنداعى زورلىق تاقىرىبىنا قاتىستى ويىمەن ءبولىسىپ، وقىرماندارىنىڭ اشۋىن تۋدىردى، - دەپ حابارلايدى Alash.kz Skifnews.kz اقپارات پورتالىنا سىلتەمە جاساپ. 

دارىگەر Instagram-دا جاريالاعان ۆيدەوسىندا «ايەل 5000 ءسوز ايتسا، كۇيەۋى 20 ءسوز عانا ايتادى، سوزدىك قورى تاۋسىلعان سوڭ جۇدىرىق الا جۇگىرەدى» دەگەن پىكىر ايتقان ەدى. سونداي-اق بلوگەر كوزىنىڭ نەگە كوگەرگەنىن ءتۇسىندىردى.

كەشە ءبىر پروسەدۋرا جاساعان ەدىم. سودان بەتىمنىڭ كوگەرگەنى كەتپەگەن. مەنىڭ اۋديتوريام تۇسىنگەنىمەن، سىرتتان كەلگەندەر تۇسىنبەي جاتىر. دۇرىس مەن سىزدەرگە «تاياق جەپ شىداڭدار» دەپ ۇگىتتەپ جاتقان جوقپىن. ءبىراق شىداعانشا شىداڭىز. اللانىڭ ەڭ جەك كورەتىنى  - اجىراسۋ. سىزدەردىڭ ارالارىڭىزدا نە بولعانىن مەن دە، اتا-انالارىڭىز دا، پسيحولوگتار دا بىلمەيدى. تەك سىزدەر بىلەسىز. ايەلدىڭ اۋزىنان 5 مىڭ ءسوز شىقسا، ەر ادامنان 20 عانا ءسوز شىعادى، سول ءسوز تاۋسىلعاندا جۇدىرىعىن الىپ جۇگىرەدى. ول بەكەردەن بەكەر ۇرمايدى عوي، ءار نارسەنىڭ سەبەبى بار. ال ورتاداعى بالا شە؟ جارتىلاي جەتىم بولىپ وسكەن بالا باقىتتى بولىپ وسە مە؟ - دەيدى ول ۆيدەودا.              

500 000-نان اسا وقىرمانى بار بلوگەر-دارىگەردىڭ ۆيدەوسى وقىرماندارىنىڭ اشۋىن تۋدىرىپ، كوبى كوڭىلى قالعاندارىن ايتىپ جاتتى.

«بيشيمبايەۆ پەن سالتانات باكىتتى بولدى ما؟ شىداپ»، «ءسىز اجىراسىپ جالعىز باقىتتى بولمايسىز دەگەن سوزىڭىزگە كەلىسە المايمىن.ويتكەنى باقىتتى بولۋ كۇيەۋى بار جوق دەگەنگە قارامايدى»، «ماعان قىزىق وسىنداي وقىعان ايەلدەر وسىلاي اڭگىمە ايتىپ وتقانى. سەن تاياق جەمەي-اق، ول ۇرماي-اق، نورمالنىي وتباسى بولۋعا بولماي ما؟»، «ماسكارا ، ەركەكتين ءىسىن اقتاپ وتىرسىز با!!! ودان دا تاقىرىپتى جاۋىپ قويا سالساڭىزشى، ۇياتقا قالماي!!! ءسىز ءۇشىن مەن ۇيالىپ وتىرمىن!»، «سوندا ۇرىپ، زاقىم كەلتىرىپ جاتكان ادامدى اللا جاقسى كوريپ وتىرادى ما ءسىزدىڭ ويىنىزشا؟ نە ايتىپ وتىرسىز ۆووبششە؟ ءسىز سياكتى ادامداردىڭ ارقاسىندا باسكا مۇسىلمانداردى نادان كورەدى عوي». – دەپ جازدى وقىرماندارى.

 

بۇل ماقالا تۋرالى نە ويلايسىز؟