ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

شەشىمدى ءبىراۋىزدان قابىلدادى

14 مامىر 2022 125
الماتى ارداگەرلەرى كونستيتۋسياعا ەنگىزىلەتىن وزگەرىستەردى قولداۋعا شاقىردى.

الماتى قالاسى ارداگەرلەر كەڭەسىنىڭ ءتورالقاسى 230 مىڭ ارداگەردىڭ اتىنان قازاقستاندىقتار مەن قالا تۇرعىندارىن الداعى رەفەرەندۋمعا قاتىسۋعا، ەلدەگى دەموكراتيالىق قۇبىلىستاردىڭ دامۋى مەن جاڭا قازاقستان ءۇشىن قۇقىقتىق نەگىز بولاتىن كونستيتۋسياعا ەنگىزىلەتىن وزگەرىستەردى قولداۋعا شاقىردى.



الماتى قالالىق ارداگەرلەر كەڭەسى كەڭەيتىلگەن ءتورالقاسىنىڭ قاتىسۋشىلارى «قازاقستان رەسپۋبليكاسىنىڭ كونستيتۋسياسىنا وزگەرتۋلەر ەنگىزۋ بويىنشا رەفەرەندۋمدى قولداۋ جونىندەگى الماتى قالالىق ارداگەرلەر كەڭەسىنىڭ مىندەتتەرى تۋرالى» ماسەلەنى تالقىلادى. قالالىق جانە اۋداندىق ارداگەرلەر كەڭەسىنىڭ مۇشەلەرى پرەزيدەنت ق.ج.توقايەۆتىڭ اتا زاڭنىڭ كەيبىر باپتارىنا وزگەرىستەر ەنگىزۋ جونىندەگى رەسپۋبليكالىق رەفەرەندۋم وتكىزۋ تۋرالى باستاماسىن قولداۋ تۋرالى شەشىمدى ءبىراۋىزدان قابىلدادى.

مەملەكەت باسشىسى «رەفەرەندۋمنىڭ باستى ماقساتى – جاڭا قازاقستاندى قۇرۋ» ەكەنىن اتاپ ءوتتى. ول ەلدىڭ ءاربىر ازاماتىنا ەلىمىزدىڭ بولاشاعىن ايقىندايتىن تاريحي وقيعاعا تىكەلەي قاتىسۋعا مۇمكىندىك بەرەدى.

–  حالىقتىڭ الدىنداعى جاۋاپكەرشىلىكتى سەزىنە وتىرىپ، رەفەرەندۋم وتكىزۋ ساياسي دامۋدىڭ كەلەسى كەزەڭدەرىنە ءوتۋدى بىلدىرەدى. ەل تاعدىرىن تاڭدايتىن رەفورماعا دەپۋتاتتار عانا ەمەس، بۇكىل حالىق قاتىسۋعا ءتيىس. كونستيتۋسيانىڭ 30-دان استام بابىنا وزگەرىس ەنگىزۋ جانە 20-دان استام زاڭدى قابىلداۋ ەسكەرىلدى. ياعني ەلدىڭ قۇقىقتىق جۇيەسىنىڭ باسىم كوپشىلىگى وزگەرىسكە ۇشىرايدى. حالىق ونى تولىقتاي ءتۇسىنىپ، داۋىس بەرۋگە ءتيىس. سەبەبى، بۇنىڭ ءبارى ازاماتتاردىڭ يگىلىگى ءۇشىن جاسالادى. ءقازىردىڭ وزىندە قالالىق جانە اۋداندىق كەڭەس مۇشەلەرى ارنايى شتاب قۇرىپ، بەلسەندى ازاماتتار حالىقتىڭ الدىنا شىعىپ، رەفورمانىڭ باعىتتارىن ءتۇسىندىرىپ، ءبىرقاتار جۇمىستار اتقارىلۋدا. ءبىراق ءبىز كەيبىر كونستيتۋسيانالدىق ماسەلەلەردى ايتۋىمىز كەرەك،– دەدى الماتى قالاسى ارداگەرلەر كەڭەسىنىڭ ءتوراعاسى احان بيجانوۆ.

 

سۋرەتتى تۇسىرگەن قايرات قونىسباي

 
بۇل ماقالا تۋرالى نە ويلايسىز؟