ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"شاحانوۆتىڭ ينتەللەكتۋالدىق ءبىلىمى جوق" - يسرايل ساپارباي

21 ماۋسىم 2024 1053
اقىن يسرايل ساپارباي  "سويقان سۇحبات" youtube-ارناسىنا بەرگەن سۇحباتىندا جازۋشى مۇحتار شاحانوۆپەن قارىم-قاتىناسى تۋرالى ايتتى، دەپ حابارلايدى Alash.kz.

"ەكەۋمىز قۇرداسپىز. ول كەزىندە شامشىمەن، تولەگەن ايبەرگەنوۆ، سابىرحان اسانوۆپەن بىرگە ءجۇردى. وقۋعا تۇسكەن كەزىمدە ول مەن وقيتىن شىمكەنتتەگى پەداگوگيكالىق ينستيتۋتقا سىرتتاي وقۋعا قۇجات تاپسىردى. بارىپ وقىعان جوق. نەگە ەكەنىن بىلمەيمىن. ال مەن بارىپ وقىدىم. ەكەۋى ەكى بولەك نارسە. ول ەرتە ەسەيدى. ءبىراق اقىن بولۋ ءۇشىن اللادان تالانت بەرىلۋ كەرەك. پەداگوگيكالىق ينستيتۋتتىڭ ءوزىن 4-5 جىل وقىپ بىتىرگەن اداممىن. ال ول سىرتتاي ءبىتىردى. ءبىر كۇنى رەكتورمەن جينالىستا مۇحتار شاحانوۆتىڭ 25 پاننەن قارىزى بار ەكەنىن ءبىلدىم. وقۋعا تاپسىرعانىمەن ەشقانداي سەسسياعا كەلمەگەن. "مۇحتار شاحانوۆ بىردە ءبىر سەسسياعا كەلمەدى، وقۋدان شىعارىپ جىبەرەيىك" دەدى رەكتور.  سول كەزدە مۇعالىمدەر قورعاپ، "ەرتەڭى بار ازامات، بىزگە ماقتانىش بولادى" دەپ الىپ قالدى. ول كەزدە مەن ءمان بەرگەن جوقپىن. بىتىرمەسە دە ديپلومدى وعان سول وتىرىك بەرۋى مۇمكىن. ال مەن ءبىلىم الىپ، وقىدىم"، - دەدى ول.

سونىمەن قاتار ول شاحانوۆتىڭ ينتەللەكتۋالدىق ءبىلىمى جوق ەكەنىن ايتتى دەپ جازدى  inbusiness.kz سايتى.

"شاحانوۆتىڭ ينتەللەكتۋالدىق ءبىلىمى جوق. 1000 جەردەن تالانت بولعانمەنەن، ءبىلىم كەرەك. ول ماعان ءبىلىم جاعىنان تەڭ كەلە المايدى. تالاي رەت كوزىم جەتتى. مەن وتىرعان جەرگە شاحانوۆ وتىرا المايدى. سەبەبى ودان گورى مەنىڭ ءبىلىمىم مىقتى. ءبىراق مەن وعان "سەنەن ءبىلىمىم مىقتى" دەپ ايتا المايمىن، ۇيات بولادى. تۋا ءبىتتى اقىن بولعانىمەن، ينتەللەكتۋالدىق ءبىلىم كەرەك اقىنعا"، - دەدى ول.

بۇل ماقالا تۋرالى نە ويلايسىز؟