سەردار بەردىمۇحامەدوۆ تۇركىمەنستاننىڭ پرەزيدەنتى بولىپ سايلاندى. بۇل تۋرالى وسك-نىڭ رەسمي سايتى حابارلادى.
تۇركىمەنستانداعى پرەزيدەنت سايلاۋىندا سەردار بەردىمۇحامەدوۆ جەڭىسكە جەتتى. وسك سايتىنداعى مالىمدەمەگە سايكەس، سايلاۋشىلاردىڭ 72،97 پايىزى دەموكراتيالىق پارتيانىڭ كانديداتىنا داۋىس بەرگەن.
– تۇركىمەنستان سايلاۋ كودەكسىنىڭ 76-بابىنا سايكەس جانە ورتالىق سايلاۋ كوميسسياسىنىڭ 2022 جىلعى 14 ناۋرىزداعى شەشىمى نەگىزىندە 72،97% داۋىس العان تۇركىمەنستان مينيسترلەر كابينەتى ءتوراعاسىنىڭ ورىنباسارى سەردار گۋربانگۋلى بەردىمۇحامەدوۆ تۇركىمەنستاننىڭ پرەزيدەنتى دەپ تانىلدى، – دەلىنگەن حابارلامادا.
تۇركىمەنستان زاڭىنا سايكەس پرەزيدەنت 40 جاستان كىشى بولا الماۋى كەرەك. سەردار بەردىمۇحامەدوۆ وتكەن جىلدىڭ قىركۇيەگىندە 40-قا تولعان.
دەرەككوز
