ق ر قورعانىس مينيسترلىگى اسكەرگە شاقىرىلعانداردى ورىندىق جانە تاياقپەن ۇرعان اقتاۋلىق كومانديرگە قاتىستى وقيعاعا پىكىر ءبىلدىردى، - دەپ حابارلايدى Alash.kz.
ۆەدومستۆو مالىمەتىنشە، 2023 جىلعى تامىزدا اقتاۋ گارنيزونىنداعى اسكەري بولىمدەردىڭ بىرىندە ۆزۆود كومانديرىنىڭ مەرزىمدى قىزمەتتەگى اسكەري قىزمەتشىلەرگە قاتىستى بيلىكتى اسىرا پايدالانۋ وقيعاسى انىقتالعان بولاتىن. دەرەك بويىنشا تەرگەۋ ءىس-شارالارى جۇرگىزىلىپ، اقتوبە گارنيزونى اسكەري سوتىنىڭ شەشىمى بويىنشا، تاراپتاردىڭ تاتۋلاسۋىنا بايلانىستى ءىس توقتاتىلعان.
"قازاقستان رەسپۋبليكاسى "اسكەري قىزمەت جانە اسكەري قىزمەتشىلەردىڭ مارتەبەسى تۋرالى" زاڭىنىڭ 26-بابى 2-تارماعىنا سايكەس سوت ۇكىمى زاڭدى كۇشىنە ەنگەننەن كەيىن اسكەري قىزمەتشى تەرىس سەبەپتەرمەن ق ر قارۋلى كۇشتەرىنىڭ قاتارىنان بوساتىلادى"، - دەلىنگەن حابارلامادا.
بۇعان دەيىن "دياپازون" باسىلىمى اقتاۋدا كوماندير اسكەرگە شاقىرىلعان ساربازدىڭ باسىنان ورىندىقپەن ۇرعانىن جازعان بولاتىن. سونداي-اق، ول اسكەرگە شاقىرىلعانداردىڭ باسىنان تاياقپەن ۇرعان. ناتيجەسىندە 25744 اسكەري ءبولىمىنىڭ اسكەري قىزمەتكەرىنە قىزمەتتىك وكىلەتىن اسىرا پايدالاندى دەگەن ايىپ تاعىلعانى ايتىلعان. 2-شابۋىلداۋشى باتالون مينومەت باتارەياسىنىڭ 1 ۆزۆود كومانديرىنىڭ قىلمىستىق ىسىندە بىرنەشە ەپيزود بولعان.
