ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ريددەردە جوعالعان ەر ادام اپكەسىنىڭ تۇسىنە كىرىپ، دەنەسىنىڭ قايدا جاتقانىنى جايلى ايان بەرگەن

08 مامىر 2024 1013

ريددەردە جوعالعان ەر ادامنىڭ دەنەسى تابىلدى.اپكەسىنىڭ ايتۋىنشا، مارقۇم ونىڭ تۇسىنە كىرىپ، ايان بەرگەن، دەپ حابارلايدى  Alash.KZ ۇلتتىق پورتالى YK-news.kz اقپارات كوزىنە سىلتەمە جاساپ.

ريددەردىڭ 36 جاستاعى تۇرعىنى راميل عازيزوۆ بىلتىر جەلتوقسان ايىنىڭ سوڭىندا قالادان 50 شاقىرىم جەردە ورنالاسقان ۋچاسكەگە اقشا تابۋعا كەتەدى. جۇمىسقا كەتكەن ازامات ءىز-تۇسسىز جوعالادى.

اپكەسىنىڭ ايتۋىنشا، ول ورمان اعاشتارى جينالاتىن جەردە تابىس تابۋ ءۇشىن بارعان. كۇزەتشى رەتىندە قىزمەت اتقارعان. الايدا ءىز-تۇسسىز جوعالعان. راميل جاتقان ۆاگوننىڭ زاتتارى جان-جاققا شاشىلىپ، اينەكتەر سىنعان.

ءراميلدىڭ اپكەسى مارقۇمنىڭ دەنەسى ۆاگوننان، شامامەن، ءجۇز مەتر قاشىقتىقتان تابىلعانىن حابارلادى.

– بىرنەشە كۇن بۇرىن راميل مەنىڭ تۇسىمە كىرىپ، ءوزىن قايدان تابا الاتىنىمدى كورسەتتى. مەن سول ايتقان شىرشاعا شىقتىم. سونىڭ استىنان جاقىن ماڭدا دەنەسى جاتىر ەكەن. ءبىز ونى كيىمىنەن تانىدىق، ءبىراق ازىرگە ساراپتاما قورىتىندىسىن كۇتەمىز، - دەيدى اپكەسى.

بۇل ماقالا تۋرالى نە ويلايسىز؟