ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

«رونالدۋدىڭ سەكىرۋى»: مەرەكەدە استانالىق بالالار فۋتبول چەللەندجىنە قاتىستى

03 ماۋسىم 2024 179

بۇرىن "دوپ ويناعان توزار" دەۋشى ەدى، ءقازىر دوپ ويناعان بالا وزاتىن بولدى. ويتكەنى فۋتبول بۇگىنگى كۇننىڭ ەڭ ماڭىزدى سپورت تۇرىنە جاتادى. 

«جەڭىس» فۋتبول كلۋبى استانا قالاسىنىڭ اكىمدىگىمەن جانە تيتۋلدىق دەمەۋشى «Freedom Bank» كومپانياسىمەن بىرلەسىپ، ورتالىق ساياباقتا قالا تۇرعىندارى مەن قوناقتار ءۇشىن فۋتبول چەللەندجدەرىنىڭ بىرنەشە ءتۇرىن ۇيىمداستىردى.

ايتالىق، جەكپە-جەك ويىن، «رونالدۋدىڭ سەكىرۋى»، «قاقپاعا سوعۋ»، سونىمەن قاتار دريبلينگپەن ەستافەتا سياقتى ويىن تۇرلەرىن كورسەتتى. مۇنداي ويىندار الادوپقا قۇمار بالالار ءۇشىن تاپتىرمايتىن ويىن بولعانىن ايتا كەتەيىك.

بۇل ويىندارعا جۇزدەگەن ۇل-قىزدار قاتىسىپ، ولاردىڭ ەڭ ۇزدىكتەرى كلۋب اتىنان ارنايى سىيلىقتارمەن ماراپاتتالدى، ەستەلىك زاتتارعا يە بولدى. وسىنىڭ ءوزى بالاعا قانات ءبىتىرىپ، كوڭىلىن كوتەرەتىن سپورتتىق شارا.



ماۋسىم ايىنىڭ باسقا دەمالىس كۇندەرى استانالىق بالالار ءۇشىن اتالعان ۇشتىك وسىنداي مەرەكەلەردى باس شاھاردىڭ ءار جەرىندە ۇيىمداستىرۋدى كوزدەپ وتىر. بالالاردىڭ جازعى دەمالىسىن ويداعىداي وتكىزۋ ءۇشىن مۇنداي شارا اۋاداي قاجەت ەكەنى بارشاعا ايان.  

بۇل ماقالا تۋرالى نە ويلايسىز؟