ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

رەسمي دەرەكتەر: قازاقستانداعى ەڭ كوپ بالا تۇركىستان وبلىسىندا تۇرىپ جاتىر

01 ماۋسىم 2024 437
1 ماۋسىم كۇنى ەلىمىزدە دە، وزگە مەملەكەتتەردە دە حالىقارالىق بالالاردى قورعاۋ كۇنى سانالادى. مەرەكە قارساڭىندا ۇلتتىق ستاتيستيكا بيۋروسى مالىمەت ءبولىسىپ، ەلىمىزدەگى بالالار سانىنا قاتىستى دەرەكتەردى جاريا ەتتى، دەپ حابارلايدى Alash.KZ ۇلتتىق پورتالى. 

2024 جىلعى 1 قاڭتارداعى جاعداي بويىنشا، 18 جاسقا دەيىنگى بالالار سانى - 6 841 527. ونىڭ ىشىندە 3،5 ملن – ۇل، 3،3 ملن – قىز بالا. بالالاردىڭ 59،7% قالالىق جەردە تۇرادى.

"حالىقتىڭ جالپى سانىندا 18 جاسقا دەيىنگى بالالاردىڭ ۇلەسى 34،1% قۇرايدى. وڭىرلەر اراسىندا حالىق سانىنداعى بالالاردىڭ ەڭ جوعارى ۇلەس سالماعى تۇركىستان وبلىسىندا – حالىقتىڭ 43،3% 18 جاسقا دەيىنگى بالالار، ودان كەيىن ماڭعىستاۋ وبلىسى (41،9%) جانە شىمكەنت قالاسى (40،6%)".ۇلتتىق ستاتيستيكا بيۋروسى

سونداي-اق ۇلتتىق ستاتيستيكا ورتالىعى وڭىرلەر بولىنىسىندەگى 18 جاسقا دەيىنگى بالالار سانىن دا ۇسىندى:

  • اباي وبلىسى – 188 321
  • اقمولا وبلىسى – 223 493
  • اقتوبە وبلىسى – 330 877
  • الماتى وبلىسى – 556 114
  • اتىراۋ وبلىسى – 274 688
  • بقو – 217 427
  • جامبىل وبلىسى – 465 492
  • جەتىسۋ وبلىسى – 245 056
  • قاراعاندى وبلىسى – 317 101
  • قوستاناي وبلىسى – 206 584
  • قىزىلوردا وبلىسى – 335 399
  • ماڭعىستاۋ وبلىسى – 329 613
  • پاۆلودار وبلىسى – 205 030
  • سقو – 126 424
  • تۇركىستان وبلىسى – 927 107
  • ۇلىتاۋ وبلىسى – 75 506
  • شقو – 182 714
  • استانا – 472 070
  • الماتى – 665 430
  • شىمكەنت – 497 081

سونىمەن قاتار،رەسمي بولجامعا سايكەس، 2027 جىلعا قاراي ەلدەگى بالالار سانى 8 ميلليونعا ۇلعايادى. بۇل تۋرالى ق ر وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتىنىڭ ءتوراعاسى ناسىمجان وسپانوۆا حابارلادى.

ءتوراعانىڭ ايتۋىنشا، ءقازىر قاقستاندا 6،8 ملن بالا بار. 7 مىڭنان استام مەكتەپتە 3،8 ملن بالا ءبىلىم الادى.
بۇل ماقالا تۋرالى نە ويلايسىز؟