ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

رەسەيگە سالىنعان بىرنەشە سانكسيا قازاقستانعا دا سالىنا ما؟

18 ماۋسىم 2024 303

ەۋروپالىق وداقتىڭ سانكسيالار جونىندەگى حالىقارالىق ارنايى وكىلى ديەۆيد و’ سالليۆان قازاقستان ەو-نىڭ قايتالاما سانكسيالارىنا ۇشىرامايتىنىن ايتتى، دەپ حابارلايدى Alash.kz ۇلتتىق پورتالى. 

«ەۋروپالىق وداق قازاقستانعا سانكسيالاردى ەنگىزەتىن ويى جوق. بۇنداي قيسىق ساياسات بىزدە جوق. اقش بولەك، ءبىز بولەك. ولاردىڭ جەكە جۇيەسى بار»،- دەدى سالليۆان.

Cالليۆان ەۋرو وداقتىڭ رەسەيگە قاتىستى جاڭا سانكسيالار پاكەتىن دايىنداپ جاتقانىن باياندادى.

ول قازاقستانعا سانكسيانى اينالىپ ءوتۋ ماسەلەسىمەن كەلگەنىن جەتكىزدى. ايتۋىنشا، ءقازىر ەو ەنگىزگەن كەدەرگىلەردى اينالىپ ءوتۋدىڭ ءتۇرلى جولدارى مەن مەن سحەماسى پايدا بولعان. ەو وكىلى وسى ماسەلەنى قازاقستان بيلىگىمەن تالقىلاۋ ءۇشىن ارنايى كەلگەن.

«كۇن وتكەن سايىن سانكسيانى اينالىپ ءوتۋ سحەماسى تۇرلەنىپ، وزگەرىپ وتىرادى. سانكسيادان قاشۋ ءۇشىن جاڭا كومپانيالار قۇرىلىپ جاتادى. سوندىقتان ءبىز جاڭا تىزىمدەر جاسايمىز. سانكسيا بار كەزدە ونى اينالىپ ءوتۋدىڭ جولدارى دا بولادى. ءبىزدىڭ ماقسات – سول جولدى قيىنداتۋ ءارى سانكسيادان قاشۋ ارەكەتتەرىنىڭ ولار ءۇشىن قىمباتقا ءتۇسۋىن قامتاماسىز ەتۋ»،- دەدى ول.

بۇل ماقالا تۋرالى نە ويلايسىز؟