ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

رەسەيدىڭ بەلارۋس ەلىندەگى يادرولىق قارۋدى جاسىرعان جەرى اشكەرەلەنىپ قالدى

11 مامىر 2024 631

NYT سپۋتنيكتىك سۋرەتتەرگە نازار سالا وتىرىپ، رەسەيدىڭ يادرولىق قارۋى بەلارۋس اۋماعىنىڭ قاي بولىگىندە ورنالاسقانىن انىقتادى، دەپ حابارلايدى Alash.KZ ۇلتتىق پورتالى. 

باسىلىمنىڭ حابارلاۋىنشا، يادرولىق قارۋى بار نىسان ۋكراينا شەكاراسىنان سولتۇستىككە قاراي 32 شاقىرىم جەردە، ياعني وسيپوۆيچي قالاسىنىڭ جانىنداعى اسكەري قويمادا ورنالاسقان.

وندا (قويمادا) جاڭادان سالىنعان كەيبىر قۇرىلىمداردا رەسەي بازالارىنداعى يادرولىق قويمالارعا عانا ءتان ەرەكشەلىكتەر بار، - دەيدى گازەت.

اتاپ ايتقاندا، ەرەكشە قورعالاتىن ايماقتا بۇكىل بازاعا ءتان قورعانىس-قاۋىپسىزدىك پەريمەترلەرى بار. مۇنىمەن قوسا العاندا، نىسان قوسىمشا ءۇش قورشاۋمەن قورشالعان. كامەرادان كەڭەس داۋىرىنەن قالعان جەراستى بۋنكەرىمەن جاپسارلاس سالىنعان جابىق تيەۋ الاڭى دا بايقالعان.

ەستەرىڭىزدە بولسا، 2023 جىلدىڭ شىلدەسىندە CNN اقش قورعانىس مينيسترلىگىنىڭ بارلاۋ باسقارماسى پرەزيدەنت ۆلاديمير ءپۋتيننىڭ يادولىق قارۋدى تاسىمالداۋىنا قاتىستى تۇسىنىك بەردى. ولار رەسەيدەن بەلارۋسسياعا تاكتيكالىق يادرولىق قارۋدىڭ العاشقى پارتياسىن جەتكىزگەنىن ايتقان ءپۋتيننىڭ سوزىنە كۇدىك كەلتىرمەي، "ءشۇباسىز سەنۋ قاجەت" ەكەنىن حابارلادى.

ورايى كەلگەندە ايتا كەتەيىك، پۋتين العاش رەت ءوزىنىڭ بەلارۋسسيا جەرىنە يادرولىق قارۋدى ورنالاستىرۋ تۋرالى ويىن 2023 جىلدىڭ ناۋرىزىندا مالىمدەگەن بولاتىن. 

بۇل ماقالا تۋرالى نە ويلايسىز؟