ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

رەسەيدە جاساعان بۇزاقىلىعى ءۇشىن ەندى وزبەكستاندىقتار قازاقستانعا كىرە المايدى - نەگە؟

09 مامىر 2024 642

وزبەكستان بيلىگى ءوز ازاماتتارىنا قازاقستانعا كىرۋدىڭ جاڭا ەرەجەلەرى تۋرالى ەسكەرتتى. ەندى رەسەيدەگى زاڭ ماسەلەسىنە بايلانىستى كورشىلەردى قازاقستان رەسپۋبليكاسىنا كىرگىزبەۋى مۇمكىن، دەپ حابارلايدى Alash.kz.

وزبەكستان سىرتقى ىستەر مينيسترلىگى قازاقستانعا كەلەتىن ءوز ازاماتتارىنا بارلىق قاجەتتى قۇجاتتاردى وزدەرىمەن بىرگە الۋعا كەڭەس بەردى.

بۇل رەتتە وزبەك-قازاق شەكاراسىنان وتكەندە تەك قازاقستان رەسپۋبليكاسىنا عانا ەمەس، رەسەيگە دە كىرۋگە تىيىم بار-جوعىن الدىن الا ءبىلىپ العان ءجون.

«وزبەك-قازاق نەمەسە رەسەي-قازاق شەكاراسىن كەسىپ وتكەن كەزدە قازاقستانعا عانا ەمەس، رەسەي فەدەراسياسىنا دا كىرۋگە ەشقانداي كەدەرگىلەر جوق ەكەنىنە الدىن الا كوز جەتكىزۋ كەرەك، ويتكەنى ءوزارا تانۋ تۋرالى رەسەيلىك-قازاقستاندىق ەكىجاقتى كەلىسىمدەرگە سايكەس جانە اكىمشىلىك جانە قىلمىستىق ىستەر بويىنشا شەشىمدەردىڭ ورىندالۋىنا بايلانىستى قازاقستاننىڭ قۇزىرلى ورگاندارى رەسەي فەدەراسياسىنىڭ كوشى-قون جانە وزگە دە زاڭناماسىن بۇزۋ نەمەسە تولەنبەگەن ايىپپۇلدار بويىنشا تەكسەرۋ جۇرگىزىپ جاتىر»، - دەلىنگەن وزبەكستان ءسىم حابارلاماسىندا.

وزبەكستان ازاماتىنىڭ رەسەيدە قۇقىق بۇزۋشىلىق جاساعانى نەمەسە تولەنبەگەن ايىپپ ۇلى بار ەكەنى انىقتالسا، ونى قازاقستانعا كىرگىزبەۋ نەمەسە ودان شىعۋعا تىيىم سالۋعا بولادى.

بۇل ماقالا تۋرالى نە ويلايسىز؟