ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

رەسەيدە بەتى-باسىن تۇمشالاعاندارعا، نيكاب كيگەندەرگە 10 مىڭ رۋبل ايىپپۇل سالىنباق

25 مامىر 2024 598

رەسەيدە قوعامدىق ورىنداردا بەتى-باسىن تۇمشالاپ جاۋىپ جۇرەتىندەرگە قارسى تىيىم سالىپ، توقتاۋ قوياتىن زاڭ جوباسى ازىرلەنىپ جاتىر، دەپ حابارلايدى Alash.KZ ۇلتتىق پورتالى Ulysmedia.kz_كە سىلتەپ.

مۇنداي تىيىم جايلى مەملەكەتتىك دۋمانىڭ دەپۋتاتى ميحايل ماتۆەيەۆ مالىمدەدى. ونىڭ ايتۋىنشا، زاڭ جوباسى ءقازىر مەملەكەتتىك دۋمادا ازىرلەنۋدە. قۇجاتتا «نيكاب» دەگەن ءسوز جوق، ءبىراق بەتىن، اسىرەسە، ءدىني كيىممەن جابۋ ءۇشىن 10 مىڭ رۋبل ايىپپۇل قاراستىرىلعان.

زاڭ جوباسىندا پولينەزيالىق تايپالاردىڭ نيكابتارى، پارانجالارى مەن بەتپەردەلەرى تۋرالى ءسوز بولمايدى، ونداعى ءۋاج ءدىني ەمەس، تەك قاۋىپسىزدىك جانە جەكە سايكەستەندىرۋ ماسەلەلەرى ارقىلى بولادى، - دەپ ءتۇسىندىردى دەپۋتات RTVI باسىلىمىنا.

ماتۆەيەۆ تۇزەتۋلەر «تەررورلىق قاۋىپ-قاتەر قاۋپىنە» بايلانىستى ەنگىزىلىپ جاتقانىن ايتتى.

تەررورلىق قاۋىپ-قاتەر ءقاۋپى جوعارى زاماندا ءبىز قوعامدىق ورىنداردا مەديسينالىق ماسكا مەن كومبينەزوننان باسقا ادامنىڭ بەت-الپەتىن جاسىراتىن زاتتارعا تىيىم سالۋ ماسەلەسىن كوتەرەمىز. بۇل نيكاب پا، اسقاباق نە گاي فوكستىڭ ماسكاسى ما، ءبارىبىر، - دەپ اتاپ ءوتتى ماتۆەيەۆ.

ەسكە سالايىق، بۇعان دەيىن قازاقستان پرەزيدەنتى قاسىم-جومارت توقايەۆ اتىراۋدا وتكەن ۇلتتىق قۇرىلتايدا «ءداستۇردىڭ وزىعى بار، توزىعى بار» ەكەنىن ايتا كەلە، اتا جولىن ساقتايمىز دەسەك، عاسىرلار بويى بابالارىمىز ۇستانعان اسىل ءدىنىمىزدى ساقتايىق دەگەن بولاتىن.

مامىردىڭ 21ء-ى كۇنى ءبىلىم ءمينيسترى عاني بەيسەمبايەۆ تاعى دا مەكتەپتەردە حيدجاب كيۋگە تىيىم سالۋ تۋرالى ايتتى.

سونداي-اق مادەنيەت جانە اقپارات ءمينيسترى ايدا بالايەۆا دا ءدىن تۋرالى جاڭا زاڭدا قوعامدىق ورىنداردا ءدىني كيىم كيۋگە تىيىم سالۋ ماسەلەسى قارالاتىنىن ايتقان بولاتىن.

بۇل ماقالا تۋرالى نە ويلايسىز؟