ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

رەسەي زەلەنسكييگە ىزدەۋ جاريالادى

07 مامىر 2024 539

رەسەي ءىىم قىلمىستىق باپ بويىنشا ۋكراينا پرەزيدەنتى ۆلاديمير زەلەنسكييگە ىزدەۋ اجريالادى. اقپارات ۆەدومستۆونىڭ مالىمەتتەر بازاسىنان تاراعان.

زەلەنسكييدىڭ كارتاسىندا: تۋعان كۇنى 1978 جىلى 25 قاڭتار ەكەنى، تۋعان جەرى كريۆوي روگ، دنەپروپەتروۆسك وبلىسى ۋكراينا دەلىنگەن. ۇلتى ۋكراين دەپ جازىلعان.

– ىزدەۋدىڭ نەگىزى: قىلمىستىق كودەكستىڭ بابى بويىنشا ىزدەۋدە، – دەلىنگەن رەسەي ءىىم مالىمەتتەر بازاسىندا.

ۋكراينا پرەزيدەنتى قانداي باپ بويىنشا ايىپتالاتىنى ناقتىلانباعان.

سوعىس باستالعالى 800 كۇن ءوتتى

رەسەي ۋكرايناعا قارسى باسقىنشىلىق سوعىستى باستاعالى 800 كۇن ءوتتى. ۋكراينا پرەزيدەنتى ۆلاديمير زەلەنسكيي ۋكراينا سوعىستىڭ جاڭا كەزەڭى الدىندا تۇرعانىن ايتادى.ونىڭ سوزىنشە، رەسەي جاقىن ارادا شابۋىلدى ۇدەتكەلى وتىر.

زەلەنسكيي بارلىق ۋكراينالىقتار، سونداي-اق ەلدىڭ وداقتاستارى رەسەيدىڭ بۇل جوسپارىن بۇزۋ ءۇشىن قولدان كەلگەننىڭ ءبارىن جاساۋى كەرەك دەپ اتاپ ءوتتى.

رەسەي شابۋىلى

قاڭتار ايىندا Financial Times رەسەي اسكەرى جازدا ۋكراينادا كەڭ اۋقىمدى شابۋىل جاساۋدى جوسپارلاپ وتىرعانىن حابارلاعان ەدى. باسىلىمنىڭ دەرەككوزدەرى رەسەي 2022 جىلى قوسىلعان ۋكراينانىڭ ءتورت ايماعىنىڭ قالعان اۋماقتارىن باسىپ الۋعا تىرىسادى دەپ جازعان.

زەلەنسكيي CBS News-كە بەرگەن سۇحباتىندا رەسەيدىڭ جاڭا ءىرى شابۋىلى مامىر ايىنىڭ سوڭىندا نەمەسە ماۋسىمدا باستالۋى مۇمكىن ەكەنىن ايتتى.

بۇل ماقالا تۋرالى نە ويلايسىز؟