ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

رەكورد: 102 جاستاعى جۇپ وتباسىن قۇردى (فوتو)

06 ماۋسىم 2024 480

امەريكانىڭ فيلادەلفيا قالاسىندا جاڭادان ۇيلەنگەندەردىڭ جالپى جاس مولشەرى بويىنشا رەكورد ورناتىلدى، دەپ حابارلايدى Alash.kz ۇلتتىق پورتالى.

100 جاستاعى بەرني ليتتمان مەن 102 جاستاعى ماردجوري فيتەرمان ۇيلەندى.

اقش باسىلىمىنىڭ مالىمەتىنە سايكەس، ەكەۋى دە شىعىس ەۋروپادا دۇنيەگە كەلگەن، ءبىراق حولوكوستتان قاشىپ، اقش-قا كوشكەن. جاڭادان ۇيلەنگەندەر 2014 جىلى قارتتار ۇيىندە تانىسقان. ماردجوري 1999 جىلى جەسىر قالدى، ال بەرني 2012 جىلى جەسىر قالعان. ولار ءبىر-بىرىن ۇناتىپ، بىرگە تۇرا باستاعان، تەاترلار مەن مۇراجايلارعا بارعان. ءقازىر ەكەۋى دە ارباعا تاڭىلعان، سوندىقتان ۋاقىتتارىنىڭ كوبىن كارتا ويناۋمەن وتكىزەدى.

ۇيلەنۋ تويى ەۆرەي داستۇرىنە ساي وتباسى مۇشەلەرىنىڭ قاتىسۋىمەن ءوتتى. بەرنيدىڭ نەمەرەسى گيننەسس رەكوردتار كىتابىنا ءوتىنىش بەرگەنىن ايتتى.

الدىڭعى رەكورد 2015 جىلى ۇيلەنگەندە جالپى جاستارى 194 بولعان ۇلىبريتانياداعى جۇپقا تيەسىلى ەدى.

 

بۇل ماقالا تۋرالى نە ويلايسىز؟