جۇڭگو سىرتقى ىستەر ءمينيسترى 23 اقپاندا تايۆان – ۋكراينا ەمەس، ول ۇنەمى قىتايدىڭ قۇرامىندا بولعان دەپ مالىمدەدى. ونىڭ الدىندا تايۆان پرەزيدەنتى ساي ينۆەن شىعىس ەۋروپادا تەرريتوريالىق داۋ ۋشىققان شاقتا ساقتىقتى كۇشەيتۋگە ۇندەگەن.
ال وعان دەيىن ۇلىبريتانيا پرەمەر-مينيسترى بوريس دجونسون ەگەر باتىس ەلدەرى ۋكراينانىڭ تاۋەلسىزدىگىن قولداۋ تۋرالى ۋادەسىن ورىنداي الماسا، ونىڭ عالامدىق سالدارى بولۋى مۇمكىن دەپ ەسكەرتىپ، تايۆان جاعدايىن مىسالعا العان.
جۇڭگو سىرتقى ىستەر مينيسترلىگىنىڭ رەسمي وكىلى حۋا چۋنين ۋكراينا مەن تايۆان اراسىندا ەش ۇقساستىق جوعىن العا تارتتى.
"تايۆان - ۋكراينا ەمەس. تايۆان ىلعي قىتايدىڭ اجىراماس بولىگى بولعان. بۇل داۋسىز زاڭدى جانە تاريحي فاكت" دەدى ول.
جۇڭگو اقش وداقتاسى تايۆاندى جەكە مەملەكەت ەمەس، جۇڭگو قۇرامىنداعى پروۆينسيا دەپ سانايدى.
