ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قىرعىزستان ۇقمك ۋكرايناداعى "سوعىسقا قاتىسقان" ازاماتقا ءىس قوزعادى

15 مامىر 2022 82
[ad_1]



قىرعىزستان ۇلتتىق قاۋىپسىزدىك جونىندەگى مەملەكەتتىك كوميتەتى (ۇقمك) الەۋمەتتىك جەلىدەگى پاراقشاسىندا ۋكرايناداعى سوعىستان فوتو-ۆيدەو ماتەريالدارىن ءجيى جاريالايتىن قىرعىز ازاماتىن انىقتاعانىن مالىمدەدى.


كوميتەتتىڭ مالىمەتىنشە، اتالعان اككاۋنت يەسى ك.ۋ.ا. ەسىمدى ازامات 2021 جىلى جەلتوقساندا ۋكرايناعا جۇمىس ىزدەپ كەتكەن.


ۇقمك "قىرعىزستان ازاماتىنىڭ شەتەلدەگى قاقتىعىسقا قاتىسۋ" بابى بويىنشا ءىس قوزعاعان. كوميتەت جەدەل تەرگەۋ امالدارى ءجۇرىپ جاتقانىن حابارلادى.


ۆەدومستۆو شەتەلدەگى سوعىسقا قاتىسقان قىرعىز ازاماتتارى قىلمىستىق جاۋاپكەرشىلىككە تارتىلاتىنىن ەسكەرتتى.


رەسەي ۋكراينا اۋماعىنا 24 اقپاندا باسىپ كىردى. ءقازىر قاقتىعىس نەگىزىنەن ەلدىڭ شىعىس بولىگىندە ءجۇرىپ جاتىر. كييەۆ رەسەي اسكەرى 25 مىڭ سولداتىنان ايىرىلدى دەپ مالىمدەگەن. ماسكەۋ كوپ ادام شىعىنى بولعانىن مويىنداعانمەن ناقتى سانىن ايتپادى. سوعىس باستالعالى بەرى قىرعىزستانعا ۋكرايناداعى سوعىستا قازا بولعان ءۇش ادامنىڭ ءمايىتى جەتكىزىلگەن. ولار قىرعىزستاندا تۋعانمەن ولارعا رەسەي ازاماتتىعى بولعان.








[ad_2]

دەرەككوز
بۇل ماقالا تۋرالى نە ويلايسىز؟