ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قۇسۋ، ءىش كەتۋ، قىزۋ كوتەرىلۋ: الەمدەگى جاڭا ۆيرۋستان 77 ادام قازا تاپتى

18 ماۋسىم 2024 297

جاپونيادا ارتى ولىمگە اكەلۋى مۇمكىن باكتەريالىق ينفەكسيانىڭ رەكوردتىق ءوسىمى تۋرالى ايتىلدى. ساراپشىلار ازىرگە ناقتى سەبەبىن انىقتاي الماي وتىر. بۇل تۋرالى Alash.kz ۇلتتىق پورتالى مالىمدەيدى. 

جاپونيانىڭ دەنساۋلىق ساقتاۋ مينيسترلىگى سترەپتوكتىق توكسيكالىق شوك سيندرومىنىڭ 977 جاعدايىن تىركەدى، ونىڭ ءولىم-جىتىمى 30%-عا جەتەدى. سوڭعى مالىمەتتەر بويىنشا، قاڭتار مەن ناۋرىز ايلارى ارالىعىندا ينفەكسيادان 77 ادام قايتىس بولعان.

بۇل ىندەت جاپونيادا وتكەن جىلعىعا قاراعاندا جاڭا رەكورد ورناتىپ وتىر. بيىل 1999 جىلدان بەرى جۇرگىزىلىپ كەلە جاتقان ستاتيستيكا بويىنشا ەڭ جوعارى كورسەتكىش كورسەتتى. 

جاپونيانىڭ ۇلتتىق ينفەكسيالىق اۋرۋلار ينستيتۋتى وتكەن جىلى وسى سيندرومنان 97 ءولىم تىركەلگەنى تۋرالى حابارلاعان ەد. 

سترەپتوكتىق توكسيكالىق شوك – بۇل سيرەك كەزدەسەتىن، ءبىراق اۋىر باكتەريالىق ينفەكسيا. ناۋقاستار الدىمەن قىزبا، بۇلشىقەت اۋىرۋى جانە قۇسۋدان زارداپ شەگەدى. ءبىراق سيمپتومدار تەز ارادا ومىرگە ءقاۋىپ توندىرەتىن جاعدايعا اينالۋى مۇمكىن: تومەن قان قىسىمى، ءىسىنۋ جانە اعزا شوك كۇيىنە تۇسەدى.

“ءتىپتى ەمدەلگەن جاعدايدا دا، اۋرۋ ولىمگە اكەلۋى مۇمكىن. ءار 10 ادامنىڭ كەم دەگەندە ۇشەۋى ينفەكسيادان قايتىس بولادى”، – دەپ حابارلادى اقش-تىڭ اۋرۋلاردى باقىلاۋ جانە الدىن الۋ ورتالىعى.

 
 
 
 
بۇل ماقالا تۋرالى نە ويلايسىز؟