ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"قۇر ايىپتاۋعا، ەموسياعا بوي بەرمەيمىز: ۋاقىت بەلدەۋى قايتا وزگەرە مە؟

21 ماۋسىم 2024 321

ساۋدا جانە ينتەگراسيا ءمينيسترى ارمان شاققالييەۆ قازاقستاندا ۋاقىت بەلدەۋىن قايتا وزگەرتۋ ماسەلەسى پەتيسيا اياسىندا قارالاتىنىن ايتتى، - دەپ حابارلايدى Alash.kz Massaget.kz cايتىنا سىلتەپ.

بيىل 1 ناۋرىزعا قاراعان ءتۇنى قازاقستان ءبىرىڭعاي UTC+5 ۋاقىت بەلدەۋىنە وتكەن ەدى. پارلامەنتتىڭ بىرلەسكەن وتىرىسىنىڭ الدىندا جۋرناليست ۆەدومستۆو باسشىسىنا "ۋاقىت بەلدەۋىن اۋىستىرۋعا قارسى پەتيسيانى قاراستىرىپ جاتىرسىزدار ما؟" دەپ ساۋال جولدادى.

ارمان شاققالييەۆ پەتيسيانى قاراۋ ءتارتىبىن ءتۇسىندىردى.

"پەتيسيانى زاڭدا بەكىتىلگەن الگوريتم بويىنشا قارايمىز. بۇگىن جۇمىس توبىنىڭ وتىرىسى ءوتىپ جاتىر. بۇل – ءبىرىنشى كەزەڭ، ياعني ۇيىمداستىرۋ جۇمىسى ءجۇرىپ جاتىر. ءوتىنىش بەرۋشى ۇسىنعان بارلىق ادامدى ياعني (جۇمىس توبىنا) كىم كىرۋى كەرەك، وعان ەنگىزدىك. ءقازىر بۇل توپتا جۇمىس ىستەۋ ءپرينسيپىن ايتىپ جاتىرمىز: اشىقتىق، ارگۋمەنتتىڭ بولۋى، سىيلاستىستىق. جۇمىس كەستەسىن بەكىتىپ، كۇن ءتارتىبىن بەكىتىپ جاتىرمىز. شاحمات ويىنىنداعى سياقتى ءاربىر ءجۇرىسى دالەلگە ءسۇيىنىپ جاسالادى، قۇر ايىپتاۋعا، ەموسياعا بوي بەرمەيمىز. بۇل – پەتيسيانى قاراستىرۋدىڭ ەكىنشى كەزەڭى. ءۇشىنشى كەزەڭدە، كوميسسيا قورىتىندىنى شىعارىپ، ءوز شەشىمىن ايتادى. ءتورتىنشى كەزەڭ، پەتيسيا 40 كۇن قارالاتىنىن بىلەسىزدەر. سوندىقتان زاڭدا بەكىتىلگەن مەرزىمگە سايكەس بارلىعى ىسكە اسىرىلادى"، - دەدى مينيستر.

بۇل ماقالا تۋرالى نە ويلايسىز؟