ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قۇمار ويىن ويناعان مەملەكەتتىك قىزمەتكەرلەر، ونى جارنامالاعان بلوگەرلەر جاۋاپقا تارتىلادى

05 ماۋسىم 2024 342

ءماجىلىس لۋدومانيامەن كۇرەسۋگە باعىتتالعان زاڭ جوباسىن ەكىنشى وقىلىمدا ماقۇلدادى. ءماجىلىس دەپۋتاتى، «AMANAT» فراكسياسىنىڭ جەتەكشىسى ەلنۇر بەيسەنبايەۆ قۇمار ويىندارعا قاتىستى زاڭ جوباسىن دايىنداۋدىڭ قيىنعا سوققانىن، ەكى جىل تالقىعا تۇسكەنىن مالىمدەدى، دەپ حابارلايدى Alash.KZ ۇلتتىق پورتالى. 

ءماجىلىستىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ويىن بيزنەسى، لوتەرەيالار جانە لوتەرەيا قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ەكىنشى وقىلىمدا قارالىپ، ءماجىلىس لۋدومانيامەن كۇرەسۋگە باعىتتالعان زاڭ جوباسىن ماقۇلدادى. 

زاڭ جوباسىنىڭ نورمالارىن ءماجىلىس دەپۋتاتى ەلنۇر بەيسەنبايەۆ باياندادى.ول ءوز سوزىندە زاڭ جوباسىندا كوزدەلگەن نورمالاردى، لۋدومانيانىڭ قوعامعا تيگىزەر كەسىرىن،قۇمار ويىنداردى جارنامالاۋعا تىيىم سالۋ جايىن، مەملەكەتتىك قىزمەتشىلەرگە، اسكەري قىزمەتشىلەرگە، ارناۋلى مەملەكەتتىك ورگانداردىڭ قىزمەتكەرلەرىنە جانە بيۋدجەتتىك ۇيىمداردىڭ باسشىلارىنا ءباس تىگۋگە تىيىم سالىناتىنىن باسا ايتتى. 

زاڭ جوباسىندا كوزدەلگەن نورمالار:

1. قۇمار ويىندار مەن ءباس تىگۋگە قاتىستى شەكتەۋلەر:
- قۇمار ويىندارعا قاتىسۋعا تىيىم سالىنعان ادامداردىڭ ءتىزىمى جاسالدى؛
- قۇمار ويىندارعا قاتىسۋعا تىيىم سالۋدىڭ ەڭ ۇزاق مەرزىمى 1 جىلدان 10 جىلعا دەيىن ۇلعايتىلدى؛
- بورىشكەرلەردىڭ ءبىرىڭعاي تىزىلىمىنە ەنگىزىلگەن ادامدار ءۇشىن قۇمار ويىندارعا قاتىسۋدى شەكتەيتىن ەرەجەلەر ەنگىزىلدى (شامامەن 3،5 ميلليون ادام)؛
- مەملەكەتتىك قىزمەتشىلەرگە، اسكەري قىزمەتشىلەرگە، ارناۋلى مەملەكەتتىك ورگانداردىڭ قىزمەتكەرلەرىنە جانە بيۋدجەتتىك ۇيىمداردىڭ باسشىلارىنا (280 مىڭعا جۋىق ادام) ءباس تىگۋگە تىيىم سالىنادى؛

2. ەنەرگەتيكالىق سۋسىنداردى ساتۋعا تىيىم سالۋ:
- 21 جاسقا تولماعان ادامدارعا ەنەرگەتيكالىق سۋسىنداردى ساتۋعا تىيىم سالىنادى.

3. مەديسينالىق وڭالتۋ:
- قۇمار ويىندارعا تاۋەلدى ادامدار ءۇشىن مەديسينالىق وڭالتۋ ءتارتىبى ەنگىزىلدى.

4. قۇمار ويىنداردى جارنامالاۋعا تىيىم سالۋ:
- بايلانىس وپەراتورلارىنا قۇمار ويىننىڭ جارناماسى بار حابارلامالاردى تاراتۋعا تىيىم سالىنادى؛
- بۋكمەكەرلىك كەڭسەلەر مەن كازينولاردىڭ جارناماسى شەكتەلەدى. بلوگەرلەر مەن ينفليۋەنسەرلەرگە بۋكمەكەرلىك كەڭسەلەر مەن كازينولاردى جارنامالاۋعا تىيىم سالىنادى.
- ليسەنزياسى جوق شەتەلدىك بۋكمەكەرلىك كەڭسەلەر مەن ونلاين-كازينولاردىڭ ينتەرنەت-رەسۋرستارىنا تولىق تىيىم سالۋ.

بۇل ماقالا تۋرالى نە ويلايسىز؟