ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قۇلسارى قالاسىنىڭ 200-دەن استام تۇرعىنىنا وتەماقى ءتۇستى

23 مامىر 2024 231

قۇلسارى قالاسىنىڭ 200-دەن استام تۇرعىنى باسپاناسىن قالپىنا كەلتىرۋ ءۇشىن وتەماقى الدى. بۇل تۋرالى اتىراۋ وبلىسىنىڭ تج جونىندەگى جەدەل شتابى حابارلادى.

قۇلسارى قالاسىندا تۇرعىن ۇيگە وتەماقى تولەۋ جانە باعالاۋ جۇمىستارى جالعاسۋدا. بۇگىنگە دەيىن كوميسسيا 1500-گە جۋىق ءۇيدى باعالاۋ قورىتىندىسىن دايىندادى، دەپ حابارلايدى اتىراۋ وبلىسىنىڭ توتەنشە جاعدايلار جونىندەگى شتابى.

قالا بويىنشا 20 ءموبيلدى توپ قارقىندى جۇمىس ىستەۋدە، ماماندار ءار ءۇيدى ارالاپ، بۇلىنگەن مۇلىكتىڭ زالالىن انىقتاۋ جانە تەحنيكالىق ساراپتاما ناتيجەلەرىن تۇسىندىرۋدە. ءموبيلدى توپتاردىڭ جۇمىسى كۇن سايىن دەمالىسسىز بارلىق جۇمىس تولىق اياقتالعانشا جۇرگىزىلەدى.

بۇگىنگى تاڭدا قۇلسارى قالاسىنىڭ 209 تۇرعىنى تۇرعىن ءۇيدى قالپىنا كەلتىرۋگە قاراجات الدى، ونىڭ ىشىندە 47 وتباسى تۇرعىن ءۇي سالۋ نەمەسە ساتىپ الۋ جانە 162 ادام جوندەۋ-قالپىنا كەلتىرۋ جۇمىستارى ءۇشىن تولەم الدى.

قۇلسارى قالاسىنىڭ تۇرعىنى گۇلبارشىن قوڭىربايەۆانىڭ ايتۋىنشا، ءقاۋىپتى دەپ تانىلعان ونىڭ ءۇيى ەندى سۇرىلمەك. ول اقشالاي وتەماقى تولەۋ تۋرالى كەلىسىمگە قول قويىپ، قۇلسارى قالاسىنان جاڭا باسپانا الۋدى كوزدەپ وتىر.

⁃ ءۇيىمىز اپاتتى دەپ تانىلىپ، اقشالاي وتەماقى الۋ ءۇشىن قۇجاتتاردى جيناپ بەرىڭدەر دەدى. 19 مامىردا بارلىق قۇجاتتاردى تاپسىرىپ، بانكتەن ەسەپشوت اشتىق. ءقازىردىڭ وزىندە 21 مامىردا قاراجات اۋدارىلدى. ءبىزدىڭ باسپاناعا ءادىل باعا بەرگەن جەرگىلىكتى اتقارۋشى ورگاندارعا ۇلكەن العىسىمدى بىلدىرەمىن، - دەدى گ.قوڭىربايەۆا.

تاعى ءبىر جەرگىلىكتى تۇرعىن مەيرام تىلەكبايەۆتى باعالاۋ پاراعىندا كورسەتىلگەن سوماعا قاناعات ەتىپتى، ءقازىر اقشالاي وتەماقى الۋ ءۇشىن قۇجات جيناپ جاتىر.

⁃ مەنىڭ ءۇيىم ءقاۋىپتى دەپ تانىلدى، ول دا بۇزىلىپ جاتىر. جاقىندا ولار ماعان باللدىق پاراق اكەلدى. كەلتىرىلگەن شىعىن كولەمىنە كوڭىلىم تولادى، قولداۋ كورسەتكەنى ءۇشىن اكىمدىككە العىس ايتامىن، — دەدى مەيرام تىلەكبايەۆ.

ال، گالينا قاراجانوۆا 20 مامىر كۇنى اكىمدىكپەن اقشالاي وتەماقى الۋ تۋرالى كەلىسىمدى رەسىمدەۋ ءۇشىن بارلىق قۇجاتتارىن جيناعان. 21 مامىردا ونىڭ شوتىنا مۇلىكتىك زالال ءۇشىن قاراجات كەلىپ ءتۇستى.

قۇلسارى قالاسى تۇرعىندارىنىڭ بۇلىنگەن مۇلكىن باعالاۋ جۇمىستارى وسى اپتانىڭ سوڭىنا دەيىن اياقتالادى دەپ جوسپارلانۋدا. 

 

بۇل ماقالا تۋرالى نە ويلايسىز؟