ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"قۇلىبايەۆ، راقىشيەۆ...”. بوزىمبايەۆ تاسقىننان زارداپ شەككەندەرگە كومەك بەرەتىندەردىڭ ەسىمىن اتادى

14 مامىر 2024 464

پرەمەر-مينيستردىڭ ورىنباسارى سۋ تاسقىنىنان زارداپ شەككەندەرگە كىمدەردىڭ قاراجات اۋداراتىنىن اتادى، دەپ حابارلايدى alash.kz.

ۇكىمەت وتىرىسىندا قانات بوزىمبايەۆ سۋ تاسقىنى سالدارىن جويۋعا دەمەۋشىلىك كومەك كورسەتەتىن وليگارحتاردىڭ ەسىمىن ايتتى.

«وزدەرىڭىز بىلەسىزدەر، بيزنەس وكىلدەرى دەمەۋشىلىك مىندەتەمەلەردى وزدەرىنە الىپ وتىر. ءبىز وڭىرلەر ءۇشىن ءتىزىم جاساپ بەكىتتىك»، - دەدى بوزىمبايەۆ.

سۋ تاسىعان وڭىرلەرگە اقشا بولگەن بيزنەسمەندەر قاتارىندا ءبىرىنشى پرەزيدەنتتىڭ كۇيەۋ بالاسى بار ەكەنى بەلگىلى بولدى.

«قازىرگى ۋاقىتتا اتىراۋ وبلىسى بويىنشا سۋ تاسقىنى سالدارىن جويۋ (ونىڭ ىشىندە تۇرعىن ءۇيدى قالپىنا كەلتىرۋ بويىنشا) ت.قۇلىبايەۆتىڭ جانە راقىشيەۆتىڭ ءبىر توپ كومپانيالارى كومەك كورسەتەدى»، - دەدى.

سونىمەن قاتار، ول بۇگىندە 20 600 وتباسى ءبىرجولعى تولەم العانىن ايتتى.

«بۇگىنگى تاڭدا 20 600 وتباسى 100 ايلىق ەسەپتىك كورسەتكىش مولشەرىندە ءبىرجولعى تولەم الدى. تولەنگەن قاراجاتتىڭ جالپى سوماسى - 7،5 ملرد تەڭگە. 680 وتباسى كەلتىرىلگەن ماتەريالدىق شىعىن ءۇشىن 362 ملن تەڭگە سوماسىندا وتەماقى الدى»، - دەدى قانات بوزىمبايەۆ.

اقمولا وبلىسى بويىنشا زاراپ شەككەندەرگە كومەك كورسەتۋدى –  Integra Construction (ۆ.كيم) جانە «RG Gold»؛ اقتوبە وبلىسى بويىنشا – «بولات وتەمۇراتوۆ قورى»، «BI Group» اق جانە «ERG» كومپانيالار توبى؛ باتىس قازاقستان وبلىسى بويىنشا – «استانا موتورس» كومپانيالار توبى، «BI Group» اق، «Jusan» بانك، «بانك سەنتر كرەديت» اق، «قازازوت» ج ش س، كپو مىندەتتەمەلەردى العان. ال قوستاناي وبلىسى بويىنشا – «ADD Capital»، «ERG»، «الليۋر» جانە «اگروماشحولدينگ»، «بازيس-ا»، سونداي-اق «RG Brands»  كومپانيالارى؛ سولتۇستىك قازاقستان وبلىسى بويىنشا – «قازاقمىس» كورپوراسياسى، «كاسپي.كز» اق، «KAZ Minerals» توبى دەمەۋشىلىك كومەك كورسەتەدى.

بۇل ماقالا تۋرالى نە ويلايسىز؟