ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قوستاناي وبلىسىندا پوليسيا قىزمەتكەرىن ءوز ۇيىندە ءولتىرىپ كەتتى

11 مامىر 2024 860
10 مامىردا قوستاناي وبلىسى،ۇزىنكول اۋىلىنداعى ءوز ءۇيىنىڭ اۋلاسىنان اۋداندىق پوليسيا ءبولىمىنىڭ قىزمەتكەرى جانسىز كۇيدە تابىلدى، دەپ حابارلايدى Alash.KZ ۇلتتىق پورتالى.

جاعدايعا قاتىستى قوستاناي وبلىسىنىڭ پوليسيا دەپارتامەنتى تۇسىنىك بەردى. ماماندار قايتىس بولعان پوليسەيدىڭ كريميناليست بولىپ قىزمەت اتقارعانىن،ءوزىنىڭ جىل سايىنعى ەڭبەك دەمالىسىن الىپ، ۇيىندە تىنىعىپ جاتقانىندا قازا تاپقانىن ناقتىلادى. 

"اسا اۋىر قىلمىس فاكتىسى بويىنشا قىلمىستىق ءىس قوزعالدى. قازىرگى ۋاقىتتا قىلمىسكەردى ۇستاۋ بويىنشا بارلىق قاجەتتى تەرگەۋ ارەكەتتەرى مەن جەدەل-ىزدەستىرۋ شارالارى جۇرگىزىلىپ جاتىر"، - دەپ حابارلادى پد.

ورىن العان وقيعا ەگجەي-تەگجەيلى تەكسەرىلىپ جاتىر. سوتقا دەيىنگى تەرگەۋ بارىسى ءىىم باقىلاۋىندا ەكەنى حابارلاندى. تەرگەۋ مۇددەسىنە ساي وزگە اقپاراتتار جاريالاۋعا جاتپايدى.

ەستەرىڭىزدە بولسا، بۇدان بۇرىن ءبىز باياناۋىلدا پروكۋراتۋرا قىزمەتكەرىنىڭ وزىنە قول جۇمساعانى حابارلاعانبىز. باياناۋىل اۋداندىق پروكۋراتۋراسى قىزمەتكەرى، 29 جاستاعى ازامات ءوز پاتەرىندە، جانسىز جاتقان جەرىندە، تابىلعان ەدى.

بۇل ماقالا تۋرالى نە ويلايسىز؟