ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قورعانىس مينيسترلىگى ماڭىزدى مالىمدەمە جاسادى

01 ماۋسىم 2024 200
جاڭا وقۋ كەزەڭىنىڭ باستالۋىنا وراي 2024 جىلدىڭ 3-6 ماۋسىم ارالىعىندا قازاقستان قارۋلى كۇشتەرى بولىمشەلەرىندە جاۋىنگەرلىك دايىندىق بويىنشا جاتتىعۋلار وتكىزىلەدى، دەپ حابارلايدى Alash.KZ ۇلتتىق پورتالى Zakon.kz-كە سىلتەپ. 

وسىعان بايلانىستى قورعانىس مينيسترلىگى جەكە قۇرام جاۋىنگەرلىك تەحنيكامەن مارش جاساۋ ارقىلى جانە تەمىرجول كولىگىمەن ەلىمىزدىڭ ءارتۇرلى وڭىرلەرىندەگى پوليگوندارعا جەتكىزىلەتىنىن ەسكەرتەدى.

"وندا اسكەري قىزمەتشىلەر پراكتيكالىق وقۋ-جاۋىنگەرلىك تاپسىرمالاردى ورىندايدى. بولىمدەردىڭ بەلگىلەنگەن مەرزىمدە ماقساتى بويىنشا مىندەتتەردى ورىنداۋ قابىلەتى مەن ۇيلەسىمدىلىگى، اسكەري قىزمەتشىلەردىڭ وقىتىلۋى، سونداي-اق كومانديرلەردىڭ باعىنىستى جانە بەرىلگەن بولىمشەلەردى باسقارۋ داعدىلارى باعالاناتىن بولادى. وسىعان بايلانىستى، الەۋمەتتىك جەلىلەردى پايدالانۋشىلاردان اسكەري تەحنيكانىڭ قوزعالىسى تۋرالى جالعان حابارلامالار مەن بەينەماتەريالداردى تاراتپاۋدى جانە تەك رەسمي اقپارات كوزدەرىنە سەنۋدى سۇرايمىز".قورعانىس مينيسترلىگىنىڭ باسپا ءسوز قىزمەتى

بۇل ماقالا تۋرالى نە ويلايسىز؟