ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قىزمەتكەرلەرىنە 30 ملن سىياقى جازدىرىپ، مول قارجىنى ءوزى يەمدەنگەن كوللەدج ديرەكتورى سوتتالدى

18 مامىر 2024 477

ماڭعىستاۋ وبلىسى، بەينەۋ گۋمانيتارلىق كوللەدجىنىڭ ديرەكتورى بيۋدجەت اقشاسىن ءىرى  كولەمدەگى اقشاسىن يەمدەندى دەگەن ايىپپەن سوتتالدى.  بۇل جايلى Alash.KZ ۇلتتىق پورتالى Massaget.kz سىلتەمە جاساي وتىرىپ حابارلايدى.

سوتتا ونىڭ 2022 جىلعى جەلتوقسان جانە 2023 جىلعى تامىز ايلارى ارالىعىندا قىزمەتكەرلەرگە سىياقى بەرۋ تۋرالى بۇيرىقتار شىعارعانى انىقتالدى. سوتتالۋشى تىكەلەي كادر ءبولىمى باسشىسىنا ناقتى قانداي قىزمەتكەرلەرگە سىياقى بەرۋ جانە ونىڭ مولشەرى تۋرالى بۇيرىقتار راسىمدەۋ تۋرالى اۋىزشا نۇسقاۋ بەرگەن.

"كوللەدج قىزمەتكەرلەرىنىڭ ءبىرقاتارى سىياقى رەتىندە ءوز ەسەپشوتتارىنا اۋدارىلعان اقشالاي قاراجاتتارىنىڭ ءبىر بولىگىن سوتتالۋشى ج-عا قولما-قول، ال ءبىرقاتارى كوللەدج بۋحگالتەرى ارقىلى قايتارعان. سالدارىنان سوتتالۋشى ج كوللەدجدىڭ بيۋدجەتتىك قاراجاتىنان 29 550 929 تەڭگەنى زاڭسىز يەمدەنگەن"، – دەلىنگەن حابارلامادا.

سوت جازا تاعايىنداۋ كەزىندە جاۋاپتىلىق پەن جازانى جەڭىلدەتەتىن ءمان-جايلار رەتىندە سوتتالۋشىنىڭ ءوز كىناسىن مويىنداۋىن، شىن وكىنۋىن، كەلتىرگەن مۇلىكتىك زالالدى تولىق وتەۋىن، اسىراۋىندا جاس بالاسىنىڭ بارىن ەسكەرگەن.

"سوتتالۋشى ج ق ر قك-نىڭ 189-بابى 4-بولىگى 2-تارماعىمەن كىنالى دەپ تانىلىپ، وعان مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرا وتىرىپ، 7 جىلعا باس بوستاندىعىنان ايىرۋ جازاسى تاعايىندالدى. ق ر قك-نىڭ 74-بابىنا سايكەس، اسىراۋىندا جاس بالانىڭ بولۋىنا بايلانىستى تاعايىندالعان جازانىڭ ورىندالۋى 4 جىل مەرزىمگە كەيiنگە قالدىرىلعان. ۇكىم زاڭدى كۇشىنە ەنگەن جوق"، – دەلىنگەن حابارلامادا.
بۇل ماقالا تۋرالى نە ويلايسىز؟