ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قىزىن اناسى ولتىرگەن: اباي وبلىسىندا جوعالعان قىزدىڭ دەرەگى شىقتى

04 ماۋسىم 2024 1169

اباي وبلىسىندا ءبىر اپتا بۇرىن ءىز-تۇزسىز جوعالعان قىز ءولى تابىلدى، دەپ حابارلايدى Alash.kz اقپارات پورتالى كتك تەلەارناسىنا سىلتەمە جاساپ.

30 جاستاعى دينارا دوسىمبەكوۆانى ءولتىردى دەگەن كۇدىكپەن تۋعان اناسى قاماۋعا الىندى. مارقۇم 26 مامىر كۇنى جوعالىپ كەتكەن. ونىڭ ءىز-تۇزسىز جوعالعانىن ايتىپ، اناسى پوليسياعا ارىز ءتۇسىرىپتى.

ءتىپتى اۋىلدان سەمەي قالاسىنا بارماق بولىپ، "قىزىم تاكسيگە ءمىنىپ كەتتى" دەپ وتىرىك مالىمەت بەرگەن دەپ جازدى Skifnews.kz. الايدا پوليسەيلەر بەينەباقىلاۋ كامەرالارىن تۇگەل تەكسەرىپ، جوعالعان ايەلدى تاپپادى.

تەك ءبىر اپتادان كەيىن ءوز قىزىن ءولتىرىپ، ءمايىتىن جاسىردى دەگەن كۇدىكپەن تۋعان اناسى ۇستالدى. ءقازىر كۇدىكتى قاماۋعا الىنىپ، تەرگەۋ جۇرگىزىلىپ جاتىر.

پوليسيا قىزمەتكەرلەرىمەن قابىلدانعان شارالاردىڭ ناتيجەسىندە 30 جاستاعى قىزدىڭ جوعالىپ كەتۋ ءمان-جايى انىقتالدى. كىسى ءولتىرۋ فاكتىسى بويىنشا سوتقا دەيىنگى تەرگەۋ باستالدى. كۇدىكتى ايەل قاماۋعا الىندى. تەرگەۋ جۇرگىزىلىپ جاتىر، ساراپتامالار تاعايىندالدى، - دەدى اباي وبلىسى پوليسيا دەپارتامەنتى باستىعىنىڭ ورىنباسارى ەلدوس زاكىموۆ.

بۇل ماقالا تۋرالى نە ويلايسىز؟