ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قىزىلوردادا سۇيىكتىسى ۇيىنە اپارىپ زورلاپ، ۆيدەونى تاراتامىن دەپ بالتامەن قورقىتقان

30 مامىر 2024 1001

قىزىلوردا قالاسىندا سۇيگەنىنە زورلىق كورسەتكەن جىگىتكە قاتىستى تەرگەۋ باستالدى، دەپ حابارلايدى Alash.kz استانا ارناسىنا سىلتەمە جاساپ.

قىزىلوردالىق بويجەتكەن «سۇيىكتىمنەن ءزابىر كوردىم» دەيدى. ايتۋىنشا، ونى جىگىتى الداپ ۇيىنە شاقىرىپ، قورقىتىپ، زورلىق كورسەتكەن. ارتىنشا جازدىم-جاڭىلدىم دەپ كەشىرىم سۇراپتى. ءبىراق ۋاقىت وتە كەلە ءتۇسىرىپ العان ۆيدەونى تاراتامىن دەپ، قوقان-لوققى جاساعان كورىنەدى.

 «قيناپ، مەنى بالتامەن قورقىتىپ، شىعايىن دەسەم شىعا المايمىن. مەن جۇرمەيمىن سەنىمەن دەگەنىمدە مەنى ۇرا باستادى»، - دەيدى جابىرلەنۋشى بويجەتكەن.

ال جابىرلەنۋشى قىزدىڭ اناسى جىگىتتىڭ جازاسىن الۋىن تالاپ ەتىپ وتىر.

پوليسيا دەپارتامەنتى بۇل جاعدايدى راستادى. تەرگەۋ امالدارى باستالعان.

«قىلمىستىق ءىس بويىنشا جان-جاقتى جانە وبەكتيۆتى تۇردە تەرگەپ-تەكسەرۋ جۇرگىزىلۋدە. ناتيجەسىمەن زاڭدى شەشىم قابىلدانادى. سونىمەن قاتار، ق ر قىلمىستىق-پروسەستىك كودەكستىڭ 201-بابىنىڭ تالابىنا ساي قىلمىستىق ءىس جۇرگىزىلۋ بارىسى تەرگەۋ قۇپيالىعىنا بايلانىستى جاريالانبايتىنىن حابارلايمىز»، - دەلىنگەن قىزىلوردا وبلىستىق پد حابارلاماسىندا.

بۇل ماقالا تۋرالى نە ويلايسىز؟