ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قىزدارعا قول جۇگىرتەدى: تۇركىستان وبلىسىندا سوتتالعان ازامات مەكتەپتە ساباق بەرگەن

24 مامىر 2024 259

تۇركىستان وبلىسى قاراسۋ اۋىلىنىڭ وقۋشىلارى مەكتەپتەگى دەنە شىنىقتىرۋ ءپانى ءمۇعالىمىنىڭ ۇستىنەن شاعىم ءتۇسىردى. ايتۋلارىنشا، بۇرىن سوتتالعان پەداگوگ جوعارى سىنىپتىڭ قىزدارىنا قول جۇگىرتىپ، ءتيىسىپ، ۇلداردى ۇراتىن كورىنەدى.

بۇل تۋرالى Alash.kz سايتى 31-ارنانىڭ ينفورمبيۋرو جاڭالىقتار باعدارلاماسىنا سىلتەمە جاساپ حابارلايدى.

“التاي اعاي دەنە شىنىقتىرۋ ساباعىندا بىزگە ءتيىسىپ، ازعىندايدى. قۇشاقتاپ، اياعىمىزدان ۇستايدى، سيپالايدى. ءبىز اتا-انامىزعا ايتۋعا قورقامىز. قۇشاقتايدى، اسىرەسە، 9-10-سىنىپتىڭ قىزدارىنا تيىسەدى. الدىڭنان شىعىپ، “مەنىڭ الدىما كەل” دەيدى. كەيبىرىن بۇرىشقا تىعىپ قويادى. سولارمەن سويلەسىپ تۇرادى”، – دەدى وقۋشى قىز.

ءمۇعالىمىنىڭ مۇنداي ارەكەتىن ەستىگەن وقۋشىنىڭ اناسى قىزىن بىردەن باسقا مەكتەپكە اۋىستىرىپتى. پوليسياعا دا ارىز جازعان كەلىنشەك جاعدايدى سوڭىنا دەيىن اپارۋعا نيەتتى.

“ەندى ارىزدانامىن. بۇعان دەيىن بىلمەي كەلدىم. بىلسەم، بىردەن پوليسياعا جۇگىنەتىن ەدىم. جۇمىستان شىعارتار ەدىم”، – دەدى اتا-انا شاحيستا جالمۇرزايەۆا.

وقۋشىلاردان بولەك ونىڭ ارىپتەستەرى دە ءمۇعالىمنىڭ بوقتىق سوزدەر ايتاتىنىن مالىمدەدى. ول جاقىندا ورنىنان بوساتىلعان ديرەكتوردىڭ كۇيەۋى ەكەن.

قىزدارعا قول جۇگىرتكەن ءمۇعالىم ۇلدارعا جۇدىرىق جۇمسايدى دەيدى. بىلتىر كەۋدە تۇسىنان سوققى العان 9-سىنىپ وقۋشىسى مەديسينالىق كومەككە جۇگىنگەن كورىنەدى. انىقتاماسى دا بار، ءبىراق وقيعا جىلى جابىلعان.

ال ءمۇعالىمنىڭ وقۋشىعا قول كوتەرگەنى تۋرالى دەرەك 2023 جىلدىڭ 10 ساۋىرىندە بولعان. سايرام اۋدانىنىڭ پروكۋرورى داۋلەت تىلەمىسوۆتىڭ ايتۋىنشا، ءقازىر اتالعان دەرەك بويىنشا قىلمىستىق كودەكستىڭ 140-بابى 2-بولىگىمەن “كامەلەتكە تولماعان ادامدى تاربيەلەۋ ءجونiندەگi مiندەتتەردi ورىنداماۋ” بويىنشا سوتقا دەيىنگى تەرگەپ-تەكسەرۋ باستالدى. 

“ول بۇرىن 3 جىل 6 ايعا سوتتالعان. سوندىقتان بۇل كىسىگە قانشالىقتى جۇمىس ىستەۋگە بولاتىن-بولمايتىنىن قۇزىرلى ورگاندار شەشەتىن شىعار. ويتكەنى سوت سولاي شىعارىپ بەرگەن ەكەن”، – دەدى م.ساپاربايەۆ اتىنداعى جالپى ورتا مەكتەپ ديرەكتورىنىڭ ورىنباسارى مارجان بەردىمۇراتوۆا.

ءمۇعالىم مامىردا ورنىنان بوساتىلعان ديرەكتوردىڭ كۇيەۋى ەكەن. ايەلىنىڭ قىزمەتىن پايدالانىپ، وزگە مۇعالىمدەردى ساعاتىنان ايىرامىن دەپ قورقىتىپتى.

“ايقايلاپ، بوقتاپ، قوقان-لوققى كورسەتتى. “نەگە سەن شاعىمداناسىڭ” دەپ باس سالىپ، مەكتەپتىڭ الدىندا جانجال شىعاردى”، – دەدى م.ساپاربايەۆ اتىنداعى جالپى ورتا مەكتەپتىڭ ءمۇعالىمى ۇلىقبەك گۇلبايەۆ.

دەنە شىنىقتىرۋ ءپانىنىڭ ءمۇعالىمى اقىسىز ەڭبەك دەمالىسىنا شىعىپ كەتكەن ەكەن. ءمۇعالىمنىڭ بۇرىن جاساعان قىلمىسى بالالارعا قاتىستى بولماعاندىقتان، جۇمىس ىستەۋ ماسەلەسىنە كەدەرگى كەلتىرمەيدى دەيدى پروكۋرورلار. 

بۇل ماقالا تۋرالى نە ويلايسىز؟