ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"قازسۋشار" جايىققا كەلە جاتقان جويقىن سۋدىڭ بەتىن قالاي قايتارماقشى؟

15 ءساۋىر 2024 614

"قازسۋشار" مەكەمەسىنىڭ اتىراۋ وبلىستىق فيليالى مەن جەرگىلىكتى اكىمدىك بىرلەسىپ سۋ تاسقىنىنا دايىندىق اياسىندا قوسىمشا 14،5 شاقىرىم كانال قازىپ جاتىر.

تەرەڭدىگى - 2 مەتر، ەنى - 7 مەتردەن اساتىن كانال اتىراۋ قالاسى ارقىلى وتەتىن سۋدىڭ كولەمىن ازايتۋ ماقساتىندا قازىلۋدا.

ياعني، جايىقتان كەلگەن سۋ قوسىمشا كانال ارقىلى كاسپيي تەڭىزىنە قۇيادى.

ايتا كەتۋ كەرەك، اتىراۋ وبلىسىنا كەلگەن سۋدى قازسۋشارعا قاراستى نەگىزگى 4 كانال: سوكولوك، سارىوزەك، باقساي جانە نارىن قابىلداپ، تەڭىزگە قاراي وتكىزەدى.

مۇندا رەسەيدىڭ ساقمار وزەنى مەن يريكلى سۋ قويماسىنان كەلەتىن سۋدى قابىلداۋ ءۇشىن قىزۋ دايىندىق جۇمىستارى ءجۇرىپ جاتىر. بۇل سۋ ءساۋىر ايىنىڭ سوڭى نەمەسە مامىردىڭ باسىندا كەلەدى دەپ بولجانىپ وتىر.

بۇل ماقالا تۋرالى نە ويلايسىز؟