ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"قازاقتەلەكومدى" "تازارتۋ" باستالدى

06 ءساۋىر 2022 80
 



بيلىك ۇيالى بايلانىس وپەراتورلارىنىڭ ءبىرىن (Kcell نەمەسە Tele2) باسەكەگە قابىلەتتى نارىققا شىعارۋ ماسەلەسىن قاراستىرۋدا.

ەكى ۇيالى بايلانىس وپەراتورى دا ءقازىر ەلدەگى ۇيالى بايلانىستىڭ 60 پايىزىن يەلەنەتىن مونوپوليست «قازاقتەلەكومعا» تيەسىلى.

ولار ءۇش جىل بۇرىن ۇيالى بايلانىس وپەراتورلارىنىڭ بىرىگۋىمەن بىزگە ۇيالى بايلانىس ساپاسى جاقسارادى دەپ ۋادە بەرگەن بولاتىن. ۇكىمەت  جاعدايدىڭ «كەرەمەت» بولىپ كەتپەگەنىن مويىندادى.

سيفرلىق دامۋ ءمينيسترى باعدات مۋسين «قازاقتەلەكومدى» مونوپولياسىزداندىرۋدى ۇسىنسا، پرەمەر-مينيستر ءاليحان سمايىلوۆ بۇل ءۇشىن ءبىر اپتا ۋاقىت بەردى.

سونىمەن قاتار، باس پروكۋراتۋرا Kcellء-دىڭ ءبىر بولىگىن ساتۋ بويىنشا جاسالعان مامىلەدە  مەملەكەتكە كەلتىرىلگەن زالالدىڭ بار-جوعىن تەكسەرەتىن بولادى. «قازاقتەلەكوم» اق وتكەن جىلدىڭ قىركۇيەك ايىنىڭ سوڭىندا Kcellء-دىڭ 24 پايىزىن ساتۋ تۋرالى حابارلاعان بولاتىن.

بۇل تۋرالى قۇرىلعان باسەكەلەستىكتى قورعاۋ جانە دامىتۋ اگەنتتىگىنىڭ «قازاقتەلەكومنىڭ» ۇيالى بايلانىستاعى 62 پايىزدىق ۇلەسى «ۇلكەن باسىمدىق» دەپ حابارلاۋىنان كەيىن بەلگىلى بولدى.
— العاشىندا «قازاقتەلەكوم» Altelء-دى ساتىپ الىپ، ۇيالى بايلانىس نارىعىنىڭ 11 پايىزىن عانا يەلەندى. ودان كەيىن «موبايل تەلەكوم – سەرۆيسپەن» بىرىكتىرىلگەندە ۇلەسى 28 پايىزعا دەيىن ءوستى. 2018–2019 جىلدارداعى سوڭعى مامىلەنىڭ قورىتىندىسى بويىنشا قازاقتەلەكوم Kcellء-دى ساتىپ الىپ، بۇكىل نارىقتىڭ 62 پايىزىن جەڭىپ الدى، – دەدى سول كەزدەگى  باسەكەلەستىكتى قورعاۋ جانە دامىتۋ اگەنتتىگىنىڭ باسشىسى سەرىك جۇمانعارين.





دەرەككوز
بۇل ماقالا تۋرالى نە ويلايسىز؟