ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قازاقتا قىزدارعا ارنالعان “ۇيات” دەگەن ەسكىرگەن ۇعىم بار - ورىس ءجۋرناليسى

23 ءساۋىر 2024 398

رەسەيلىك جۋرناليست قازاق قوعامىنداعى "ۇيات" ۇعىمىن ءسوز ەتتى دەپ حابارلايدى، Alash.kz Ulysmedia.kz سايتىنا سىلتەمە جاساپ. 

جۋرناليست قازاقستان ايەلدەرىنىڭ ءورشىل، دەربەس ەكەنىن ايتىپ ءوتتى، ءبىراق قوعامداعى “ۇيات” ۇعىمىنا توقتالدى. 

“قىسقا يۋبكا كيدىڭ بە؟ ۇيات!”

“ءبىر جاعىنان، قازاقستاندىق ايەلدەردىڭ كوپشىلىگى وتە پروگرەسسيۆتى: ولار كوپ جۇمىس ىستەيدى، ءورشىل، دەربەس، بارىنە وزدەرى قول جەتكىزگىسى كەلەدى، ەمانسيپاسياعا، تاۋەلسىزدىككە، تەڭدىكتى تانۋعا ۇمتىلادى. سونىمەن قاتار، سالاۋاتتى فەمينيزمگە، قارىنداستىققا، ءوزارا كومەككە، girl power-گە (“قىزداردىڭ كۇشى” اۆت.) تۇسىنىستىكپەن قارايدى.  مەن جەكە ءوزىم وسىنداي ايەلدەردى تانيمىن، كەيبىرىمەن دوسپىن جانە وتە قۇرمەتتەيمىن. ءبىراق سونىمەن بىرگە ەلدە " ۇيات "دەگەن ۇعىم بار. ول سوزبە-سوز "ۇيات" دەپ اۋدارىلادى جانە قوعامدىق ايىپتاۋدا كورىنەدى. ونلايندا دا جانە وفلايندا دا. وسى ۇعىم اياسىندا ايەل كونسەرۆاتيۆتى نورمالاردان اۋىتقىسا ۇياتقا قالۋى مۇمكىن. قىسقا يۋبكا كيىپ كوشەگە شىقتىڭىز با؟ ۇيات. بىرنەشە جىگىتىڭىز بار ما؟ ۇيات! كۇيەۋىڭ سەنى ۇرسا دا ودان كەتىپ قالدىڭ با؟ ۇيات. ارينە، بۇل مورالدىق زورلىق – زومبىلىققا ۇشىراعان ايەلدەرگە قوسىمشا قىسىم جاسايدى"، - دەدى كسەنيا سوبچاك. 

  

سوبچاك بۇل ءداستۇردىڭ ارتىندا ەسكىرگەن تۇسىنىك تۇرعانىن مالىمدەدى.  جۋرناليست بۇل رەتتە قۋاندىق بيشىمبايەۆتىڭ ءىسى بەتبۇرىس بولۋى مۇمكىن دەدى.

ازاماتتىق قوعامنىڭ جەڭىسى

  “بۇرىن ۇيات ارقىلى حالىقتىڭ كونسەرۆاتيۆتى بولىگى ايەلدەرگە نە ىستەپ، نە ىستەمەۋ كەرەگىن ايتىپ وتىردى: كوپ سويلەمە، تۇيمەدەيدى تۇيەدەي ەتپە، ۇندەمە، شىدامدى بول - جاقسى كورىپ كەتەدى. ەندى قىزدار ءۇي تيراندارىنا قارسى بىرىگىپ قانا قويماي، ارنايى زاڭنىڭ قابىلدانۋىنا قول جەتكىزدى. جالپى، ءقازىر قازاقستاندا سالتانات ءىسىنىڭ اياسىندا وتە قىزىقتى ىستەر ءجۇرىپ جاتىر. مۇمكىن ءبىز تىنىش ريەۆوليۋسيانىڭ ءبىر ءتۇرىن كورىپ وتىرمىز. ازاماتتىق قوعامنىڭ جەڭىسى” - دەدى رەسەيلىك جۋرناليست. 

بۇل ماقالا تۋرالى نە ويلايسىز؟