ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قازاقستاننىڭ بارلىق ايماعىندا سۋ تاسقىنى توقتادى

05 ماۋسىم 2024 346

مينيسترلىك جاز شىققاندا جاقسى جاڭالىقتى ءسۇيىنشىلندى. قازاقستاننىڭ بارلىق وڭىرىندە سۋ تاسقىنى اياقتالدى. ال، قويمالاردا جينالعان قارعىن سۋ اۋىلشارۋاشىلىعى مەن ونەركاسىپتە پايدالانۋ ءۇشىن جىبەرىلمەك، دەپ حابارلايدى Alash.KZ ۇلتتىق پورتالى. 

مينيسترلىك بۇگىنگى كۇنگى سۋ قويمالارداعى جاعداي جايلى حابارلادى. كورسەتكىشتەرگە نازار سالساق، تاسقىن سۋدىڭ ساباسىنا تۇسكەنى اڭدالادى. 

باتىس قازاقستان وبلىسىنداعى ءتورت ءىرى سۋ قويماسى 87%-عا تولدى. ولاردىڭ بارلىعى شتاتتىق كەستەگە ساي جۇمىس ىستەيدى.

اقمولا وبلىسىندا ەكى ءىرى سۋ قويماسى 99%-عا تولى. ەكى نىسان دا شتاتتىق رەجيمدە جۇمىس ىستەيدى.

سولتۇستىك قازاقستان وبلىسىندا 2 ءىرى سۋ قويماسى 100%-عا تولى.

اقتوبە وبلىسىندا ەكى ءىرى سۋ قويماسىنىڭ ورتاشا سۋ جيناۋ كورسەتكىشى 95%. ەكى نىسان دا شتاتتىق كەستەگە ساي جۇمىس ىستەيدى.

شىعىس قازاقستان وبلىسىنداعى ەكى ءىرى سۋ قويماسى بويىنشا ورتاشا سۋ جيناۋ كورسەتكىشى 89،8%.

اباي وبلىسىندا ءشۇلبى سۋ قويماسى 87،8%-عا تولدى. ەرتىس كاسكادىنىڭ بارلىق سۋ قويمالارى شتاتتىق كەستەگە ساي جۇمىس ىستەيدى.

قاراعاندى وبلىسىنداعى 3 ءىرى سۋ قويماسى 99،5%-عا تولى. ولاردىڭ بارلىعى شتاتتىق كەستە اياسىندا جۇمىس ىستەيدى.

قوستاناي وبلىسىنداعى ەكى ءىرى سۋ قويماسىنىڭ ورتاشا سۋ جيناۋ كورسەتكىشى 91%. ەكى نىسان دا شتاتتىق كەستەگە ساي جۇمىس ىستەيدى.

سۋ قويمالارىنا جينالعان تاسقىن سۋى اۋىلشارۋاشىلىعى مەن ونەركاسىپتە پايدالانۋ ءۇشىن جىبەرىلەدى، - دەپ جازدى مينيسترلىكتىڭ باسپا ءسوز قىزمەتى.

 

بۇل ماقالا تۋرالى نە ويلايسىز؟