ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"قازاقستاندىق فۋتبولشىلاردىڭ ايلىعى 40 مىڭ ەۋرو". كونگولىق لەگيونەر جوەل كايامبا قازاقستان فۋتبولشىلارىنا قاتىستى ءبىراز شىندىقتى ايتىپتى

15 ءساۋىر 2024 652

دوپ ويناعان وزاتىن زامان بولدى. "اتىراۋ" فۋتبول كلۋبىنىڭ جارتىلاي قورعاۋشىسى، كونگولىق لەگيونەر جوەل كايامبا قازاقستان پرەمەر ليگاسىندا وينايتىن فۋتبولشىلاردىڭ جالاقىسى تۋرالى ايتىپتى. 

"قازاقستاندا فۋتبولشىلارعا تولەنەتىن جالاقى ەۋروپالىق كوپ ليگاداعى جالاقىدان ارتىق. باستى ايىرماشىلىق – ەۋروپا فۋتبولىندا اقشا ماڭىزدى ەمەس. ول جاقتا فۋتبولشىلار دامۋدى جانە مىقتى چەمپيوناتتا ويناۋدى قالايدى. ولار اقشانى ويلامايدى.

ال قازاقستان فۋتبولىندا اقشا تىم كوپ. ەگەر ءسىز "پسج"، "ليون"، "مارسەل"، "مونپەلە" جانە باسقا كلۋبتاردا وينايتىن بولساڭىز، cىزگە كوپ اقشا تولەنەدى، ءبىراق ءسىز كوپ سالىق تولەۋىڭىز كەرەك. فرانسياداعى ءتاۋىر كلۋبتار ويىنشىلارىنا 40 مىڭ ەۋرو ايلىق تولەيدى.

ال قازاقستاندا چەمپيوندار ليگاسىنا مۇلدە قاتىسىپ كورمەگەن، ءبىراق ويىنشىلارىنا 40 مىڭ ەۋرودان (قازىرگى باعاممەن شامامەن 19 ملن تەڭگە) ارتىق تولەي الاتىن فۋتبول كلۋبتارى بار"، – دەدى جوەل كايامبا.

كونگولىق شابۋىلشى جوەل كايامبا "اتىراۋ" كلۋبىنىڭ ساپىنا بيىل قوسىلدى. قازاقستاندىق كوماندامەن ەل چەمپيوناتىندا 4 ماچ، ال كۋبوكتىق ويىندا 1 ماچ وتكىزدى. ازىرگە ناتيجەلى ىس-قيمىلمەن كوزگە تۇسپەدى. ال "اتىراۋ" فۋتبول كلۋبى قازاقستان پرەمەر ليگاسىنىڭ 4-تۋر قورىتىندىسى بويىنشا 3 ۇپايمەن 10-ورىندا تۇر.

 

بۇل ماقالا تۋرالى نە ويلايسىز؟