ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قازاقستانداعى تانىمال ۇلتتىق ساياباقتاردىڭ ۇزدىك بەستىگى

02 اقپان 2022 168
قازاقستاندا 2021 جىلى ەڭ كوپ باراتىن ۇلتتىق ساياباقتاردىڭ رەيتينگى جاسالدى، - دەپ حابارلايدى Alash.Press ءتىلشىسى Sayahat Time تەلەگرام-ارناسىنا سىلتەمە جاساپ.

وتكەن جىلى وتاندىق ۇلتتىق ساياباقتار 1،48 ميلليون ادامدى قابىلدادى. بۇل - سوڭعى بەس جىلداعى رەكورد كورسەتكىش. 2021 جىلى تۋريستەردىڭ كوبى بۋرابايعا كەلدى - 655 000-نان اسا ادام. كەلۋشىلەر سانى بويىنشا ەكىنشى ورىندا - ىلە الاتاۋى، كورسەتكىشى 430 044 ادام. كوشباسشىلار ۇشتىگىندە 160 520 دەمالۋشى كەلگەن كولساي كولدەرى بار. توپ-5 قۇرامىنا باياناۋىل (56 200 ادام) جانە كوكشەتاۋ (49 045 ادام) كىردى.



قازاقستاندا 14 ۇلتتىق ساياباق بار. ولاردىڭ ىشىندەگى ەڭ جاسى - تارباعاتاي (2018 جىلى قۇرىلعان) جانە ۇلىتاۋ (2021 جىلى). بارلىق ۇلتتىق ساياباقتىڭ جالپى اۋدانى - 2 700 000 گەكتار نەمەسە قازاقستان اۋدانىنىڭ 1 پايىزى.



پاندەميا باستالعانعا دەيىن ۇلتتىق ساياباقتارعا بارۋ قارقىنى ءوستى:

2017 جىل - 1،12 ميلليون ادام،
2018 جىل - 1،14 ميلليون ادام،
2019 جىل - 1،38 ميلليون ادام.



ءبىراق 2020 جىلى كارانتين شەكتەۋلەرىنە بايلانىستى ۇلتتىق پاركتەرگە 890 000 ادام كەلدى. باياناۋىل ۇلتتىق ساياباعىنا جىل بۇرىنعىعا قاراعاندا 21 ەسە از ادام ساياحات جاساعان. التىنەمەل، كوكشەتاۋ، قارقارالى جانە بۇيراتاۋعا بارۋ ەكى ەسەگە ازايدى.



 
بۇل ماقالا تۋرالى نە ويلايسىز؟