«سەمەي ايماعىندا اباي وبلىسىن قۇرۋدى ۇسىنامىن. سەمەي قالاسى جاڭا وبلىستىڭ ورتالىعى بولادى. وسى ماسەلەنى ايماق تۇرعىندارى كوپتەن بەرى ايتىپ جۇرگەنىن بىلەمىن. ءقازىر ول جاقتا شەشىمىن تاپپاعان تۇيتكىلدەر از ەمەس. مىسالى، ايماقتىڭ ىشكى ينفراقۇرىلىمى ابدەن توزعان»، – دەدى مەملەكەت باسشىسى.
«تاعى ءبىر ماسەلە. بۇرىنعى جەزقازعان وبلىسىنىڭ اۋماعىندا ۇلىتاۋ وبلىسىن قۇرۋ قاجەت. جەزقازعان قالاسى قايتادان وبلىس ورتالىعى بولادى. بۇل ايماقتا دەربەس وبلىس قۇرۋ – ەكونوميكالىق قانا ەمەس، رۋحاني جاعىنان دا ماڭىزدى شەشىم»، – دەدى مەملەكەت باسشىسى.
«ءۇشىنشى ماسەلە. الماتى اگلومەراسياسىنا قاتىستى تۇيتكىلدەر كوپ. وسى جانە باسقا دا جايتتاردى ەسكەرە وتىرىپ، الماتى وبلىسىن ەكىگە ءبولۋدى ۇسىنامىن. بۇل وڭىردە جەتىسۋ جانە الماتى وبلىستارى قۇرىلادى. الماتى وبلىسىنىڭ ورتالىعى قاپشاعايدا بولۋى كەرەك. ال، جەتىسۋ وبلىسىنىڭ ورتالىعى تالدىقورعاندا ورنالاسادى»، – دەدى مەملەكەت باسشىسى.
