ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قازاقستاندا تاعى توتەنشە جاعداي. ەكىباستۇزدا ەرەكشە رەجيم ەنگىزىلدى

15 مامىر 2024 729

ەكىباستۇز قالاسىندا توتەنشە جاعداي جاريالاندى. ەرەكشە رەجيمنىڭ ەنگىزىلۋىنە  كوممۋنالدىق جەلىلەردىڭ 90 پايىزدان استامى توزىپ تۇرعانى سەبەپ بولعان، دەپ حابارلايدى Alash.KZ ۇلتتىق پورتالى.

ەكىباستۇز قالاسىنىڭ اكىمى ايان بەيسەكين تەحنوگەندىك سيپاتتاعى توتەنشە جاعداي جاريالاۋ تۋرالى شەشىم قابىلدادى. سەبەبى كارىز جۇيەسىندەگى كوللەكتوردى جەدەل جوندەۋ قاجەت. ەستەرىڭىزدە بولسا، بيىلعى جىلدىڭ باسىنان بەرى ەكىباستۇزداعى ەكى كارىز جۇيەسىندە اپات بولعان ەدى.ءتيىستى قۇجات «اشىق نقا» سايتىندا جاريالاندى.  

"ەكىباستۇز قالاسى اكىمىنىڭ ورىنباسارى ەرجان سالحانوۆ تەحنوگەندىك سيپاتتاعى توتەنشە جاعدايلاردى جويۋ باسقارماسىنىڭ باسشىسى بولىپ تاعايىندالىپ، وعان توتەنشە جاعدايدى جويۋعا باعىتتالعان ءىس-شارالاردى جۇرگىزۋ تاپسىرىلسىن"، – دەلىنگەن اكىم قاۋلىسىندا.

ەستەرىڭىزگە سالا كەتەيىك، 2022 جىلدىڭ قىسىندا ەكىباستۇزداعى جىلۋ ەلەكتر ورتالىعىندا اپات بولدى. قاقاعان قىستىڭ ورتاسىندا قالا حالقى جىلۋسىز قالىپ، سەرگەلدەڭگە ءتۇستى.

بۇل ماقالا تۋرالى نە ويلايسىز؟