ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قازاقستاندا جەڭىس كۇنىنە وراي اسكەري شەرۋ وتپەيتىنى حابارلاندى

03 ءساۋىر 2024 223

بيىل قازاقستاندا جەڭىس كۇنىنە وراي اسكەري شەرۋ وتپەيدى. قورعانىس مينيسترلىگىنىڭ حابارلاۋىنشا، وتان قورعاۋشىلار كۇنى مەن جەڭىس كۇنىنە ارنالعان اسكەري شەرۋ مەملەكەتتى قارجىدان قاعىپ،قازىنانى جەلگە شاشادى، دەپ حابارلايدى Alash.KZ ۇلتتىق پورتالى. 

مينيسترلىكتىڭ مالىمەتىنشە، بيۋدجەت قاراجاتىن ۇنەمدەۋ جانە ونى باسقا ىستەرگە جوسپارلاۋ ماڭىزدى. 

"قازاقستان قارۋلى كۇشتەرى بولىمشەلەرىنىڭ جاۋىنگەرلىك ازىرلىگى مەن ۇتقىرلىعىنىڭ قاجەتتى دەڭگەيىن ۇستاپ تۇرۋ باسىمدىلىق سانالادى"، - دەيدى حابارلامادا.

ەسكە سالا كەتەيىك، پاندەمياعا بايلانىستى 2022، 2023 جىلدارى دا شەرۋ وتكىزىلمەگەن بولاتىن. 

قازاقستانداعى سوڭعى اسكەري شەرۋ 2018 جىلعى 7 مامىردا وتاردا (جامبىل وبلىسى) وتكىزىلگەن ەدى. سول كەزدەگى اسكەري جيىندى قارۋلى كۇشتەردىڭ جوعارعى باس قولباسشىسى – ق ر پرەزيدەنتى نۇرسۇلتان نازاربايەۆ قابىلداعان.

بۇل ماقالا تۋرالى نە ويلايسىز؟