ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"قازاقستاندا جاستار باسپانا الۋ ءۇشىن شەتەلدە جۇمىس ىستەۋگە ءماجبۇر، سوندا قالعاندار كوپ " - دەپۋتات مۇقايەۆ

15 مامىر 2024 589

دەپۋتات داۋلەت مۇقايەۆ ءماجىلىس مىنبەرىندە جاستارعا ارنالعان جالدامالى پاتەر ماسكەلەسىنە توقتالدى. جاستاردىڭ پاتەر الۋ ءۇشىن شەتكە شىعىپ كەتكەنىن ايتىپ،  پرەمەر-مينيستردىڭ ورىنباسارى قانات بوزىمبايەۆقا دەپۋتاتتىق ساۋال جولدادى، دەپ حابارلايدى Alash.KZ ۇلتتىق پورتالى inbusiness.kz سايتىنا سىلتەپ.

دەپۋتات داۋلەت مۇقايەۆ دەرەگىنە سەنسەك، 2019 جىلدان بەرى استانا، الماتى، شىمكەنت قالالارىندا جالدامالى پاتەرگە ورنىققان جاستاردىڭ سانى 10 مىڭعا جۋىقتادى.

"2019 جىلى باسپانا العان جاستاردىڭ باسپانانى بوساتۋىنا دا از ۋاقىت قالدى. بۇگىندە مەگاپوليستەردەگى جاستاردىڭ دالادا قالۋ ءقاۋپى جوعارى. ەكىنشى تاعى ءبىر ماسەلە – جىل سايىن بەرىلۋى كەرەك جالدامالى پاتەرلەر الماتى قالاسىنىڭ جاستارىنا ءالى دە بەرىلمەدى. ناقتى ءتىزىم، ناتيجەسى شىقپادى. جالدامالى پاتەر العان جاستاردىڭ قارجى جيناپ، ءوز باسپانالارىن الا الماۋدىڭ دا وزىندىك سەبەپتەرى دە بار. 2019 جىلدان بەرى ينفلياسيا دەڭگەيى دە شارىقتاپ، ءۇي باعاسى جىلدان جىلعا ءوستى. وسىدان 5 جىل بۇرىن رەسپۋبليكا بويىنشا پاتەردىڭ ورتاشا شارشى مەترى 200 مىڭ تەڭگە بولسا، ءقازىر 400 مىڭ تەڭگەگە جۋىقتادى. ياعني، 2 ەسە ءوستى. شىندىققا تۋرا قاراساق، باسپاناعا قارجى جيناۋدان، قىمباتشىلىق قىسپاققا الىپ كۇنكورىس ماسەلەلى الدىڭعى ورىنعا شىقتى"، - دەدى داۋلەت مۇقايەۆ.

دەپۋتات ەلىمىزدە جاستارعا ارنالعان ءتيىمدى مەملەكەتتىك باعدارلاما جوق ەكەنىن باسا ايتتى. سالدارىنان جاستار باسپانانى الۋ ءۇشىن شەتەل اسىپ، جۇمىس ىستەۋگە ءماجبۇر، دەپ جالعاستىردى ول.

"كەلمەي قالىپ قويىپ جاتقانى قانشاما. بۇل ەلىمىزدە دارىندى، تالانتتى جاستاردىڭ ازايۋىنا الىپ كەلىپ وتىر. ۇشىنشىدەن، جالدامالى پاتەر العان جاستار وزگە دە مەملەكەتتىك باعدارلامالار مەن ءۇي كەزەگىندە تۇرۋ مۇمكىندىگىنەن ايىرىلعان. اقشاسىن جيناپ، ءتۇيىپ وتىرعان جاستار، باسقا باعدارلاماعا قاتىسا الماسا قالاي باسپانالى بولماق"، - دەپ اتاپ ءوتتى حالىق قالاۋلىسى.

ءماجىلىس دەپۋتاتى وسىعان بايلانىستى جاستاردىڭ ءتيىمدى باسپانا الۋىنا جاعداي جاساۋدى، كەمى 10%-دىق باستاپقى جارنامەن وزدەرى تۇرىپ جاتقان باسپاناسىن ساتىپ الۋعا مۇمكىندىك بەرۋ ماسەلەلەسىن قاراستىرۋدى قايتا سۇرادى. ونىڭ ايتۋىنشا، پايىزدىق مولشەرلەمە 5%-دان اسپاۋى ءتيىس نەمەسە جالدامالى پاتەردە تۇرۋ مەرزىمىن ۇزارتۋ كەرەك.

بۇل ماقالا تۋرالى نە ويلايسىز؟