ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قازاقستاندا درون فاكۋلتەتى اشىلادى

13 مامىر 2024 375

قازاقستاندا تاعى ءبىر درون فاكۋلتەتى اشىلادى. بۇل كەلىسىمگە يندۋستريا جانە قۇرىلىس مينيسترلىگى دەلەگاسياسىنىڭ وڭتۇستىك كورەياعا ساپارى كەزىندە قول جەتكىزىلدى، دەپ حابارلايدى alash.kz سايتى 24.kz-كە سىلتەپ.

3 كۇن ىشىندە قوناقتار كورەيا ۇكىمەتىنىڭ مۇشەلەرىمەن، ءىرى كومپانيالاردىڭ باسشىلارىمەن كەلىسسوزدەر جۇرگىزىپ، دجەي جانە شينحان ۋنيۆەرسيتەتتەرىندە بولدى. وندا ولار لەكسيالارعا قاتىسىپ، ۇشقىشسىز ۇشاقتاردى جاساۋ ءۇشىن ينجەنەرلەردى وقىتۋ ۇدەرىسىمەن تانىستى.

يندۋستريا جانە قۇرىلىس مينيسترلىگىنىڭ مالىمەتىنشە، ازىرگە قازاقستاندا ەكى ۋنيۆەرسيتەتتە عانا ۇشقىشسىز ۇشۋ كافەدراسى بار. ەندى بىرەۋى دجەي ۋنيۆەرسيتەتىنىڭ كومەگىمەن اشىلادى. كورەيالىق پروفەسسورلار قازاقستاندا ۇشقىشسىز ۇشاقتار سالاسىنا كادرلار دايىندايدى.

“دجەي اكادەمياسىندا جوعارى سىنىپ وقۋشىلارى مەن وندىرىستە جۇمىس ىستەيتىندەر ءۇشىن ارنايى باعدارلامالار بار. وسى باعدارلامالار ارقىلى مامانداردى دايىندايمىز. دجەي ۋنيۆەرسيتەتىنىڭ وكىلدەرى قازاقستانعا كەلىپ، تەحنيكالىق ۋنيۆەرسيتەتتەردى ارالاپ، ولاردىڭ اراسىنان سەرىكتەستەردى تاڭدايدى. كورەي جانە تۇرىك تاراپى بىزگە ۇشقىشسىز ۇشاقتاردى شىعارۋ تەحنولوگيالارى مەن قۇزىرەتتەرىن بەرۋگە دايىن”، – دەپ مالىمدەدى يندۋستريا جانە قۇرىلىس ۆيسە-مينيسترى ازامات بەيسپەكوۆ.

بۇل ماقالا تۋرالى نە ويلايسىز؟