قازاقستاندا اتوم ستانسياسى قاشان سالىناتىنى بەلگىلى بولدى

ق ر ەنەرگەتيكا ءمينيسترى بولات اقشولاقوۆ ەلىمىزدىڭ 2035 جىلعا دەيىنگى ەنەرگەتيكالىق بالانسىندا قۋاتى 2،4 گيگاۆاتت بولاتىن اەس سالۋ جوسپارلانعانىن ايتتى.

ونىڭ ايتۋىنشا، ەلىمىزدىڭ ەنەرگەتيكالىق بالانسىندا بازالىق گەنەراسيانىڭ جاڭا كوزى رەتىندە بەلگىلەنگەن قۋاتتىلىعى 2،4 گيگاۆاتت بولاتىن اتوم ەلەكتر ستانسياسى قاراستىرىلعان، ال ەنەرگەتيكالىق تەڭگەرىم 2035 جىلعا دەيىن ەسەپتەلگەن.

«ازىرلەنگەن ەنەرگەتيكالىق بالانسقا سايكەس، 2035 جىلعا قاراي ەلەكتر ەنەرگياسىن تۇتىنۋ شامامەن 153 ملرد كيلوۆاتت-ساعاتتى قۇرايدى. سونىمەن قاتار، قازىرگى ۋاقىتتا جۇمىس ىستەپ تۇرعان ەنەرگيا كوزدەرىنىڭ ءوندىرىسى ءبىرقاتار وبەكتيۆتى سەبەپتەرگە بايلانىستى تومەندەيدى. شامامەن 89 ملرد كيلوۆاتت-ساعاتتى قۇرايدى. قولدانىستاعى قۋات كوزدەرى حالىقتىڭ جانە ەكونوميكانىڭ ەلەكتر ەنەرگياسىنا بولجامدى قاجەتتىلىگىن وتەي المايدى» دەپ ءتۇسىندىردى ەنەرگەتيكا ءمينيسترى.

ول وسىعان بايلانىستى 2035 جىلعا قاراي جالپى قۋاتتىلىعى 17،5 گيگاۆاتت بولاتىن جاڭا گەنەراسيالاۋشى قۋاتتاردى ىسكە قوسۋدى قامتاماسىز ەتۋ كەرەكتىگىن اتاپ ءوتتى.

مينيسترلىكتىڭ ەلەكتر ەنەرگەتيكاسىن دامىتۋ دەپارتامەنتىنىڭ ديرەكتورى ايدوس دارىبايەۆ قازاقستانداعى اتوم ەلەكتر ستانسيالارى ارقىلى ەنەرگيانىڭ قانداي ۇلەسىن ءوندىرۋدى جوسپارلاپ وتىرعانى تۋرالى دا ايتتى.

قازاقستاندا اتوم ەلەكتر ستانساسىن سالۋ مۇمكىندىگى تۋرالى ماسەلە 2021 جىلدىڭ جازىندا بەلسەندى تۇردە تالقىلانا باستادى.

بىلتىر كۇزدە قازاقستاندا ەلەكتر ەنەرگياسى تاپشىلىعى بايقالدى: شىعىس قازاقستان وبلىسىندا ەلەكتر قۋاتى شەكتەلدى، ال شىمكەنتتە ولار ۇزىلىستەرگە شاعىمدانا باستادى.

4 قاراشادا «KEGOC» اق قازاقستاندا ەلەكتر قۋاتىن تۇتىنۋدىڭ قالىپتان تىس ارتقانىن حابارلادى، بۇل ونىڭ تاپشىلىعىنا اكەلدى.

وسى كەزەڭدە پرەزيدەنت قاسىم-جومارت توقايەۆ ەلدەگى اتوم ەنەرگەتيكاسىن دامىتۋ پەرسپەكتيۆالارىنا، سونىڭ ىشىندە اەس قۇرىلىسىنا قاتىستى پىكىر ءبىلدىردى.

2022 جىلدىڭ 8 اقپانىندا «سامۇرىق-قازىنا» ءۇاق» اق باسقارما ءتوراعاسى الماسادام ساتقالييەۆ ەلىمىزدىڭ وڭتۇستىگىندەگى اتوم ەلەكتر ستانسيالارى قۇرىلىسىنىڭ تيىمدىلىگىن مالىمدەدى.

مەملەكەت باسشىسى ءوز كەزەگىندە تازا اتوم ەنەرگياسى بولماسا، ينۆەستيسيانى ايتپاعاندا، بۇكىل ەكونوميكامىزدان ايىرىلامىز دەگەن پىكىر ءبىلدىردى.