ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قازاقستان مەن رەسەي تاراپىنىڭ سۋ تاسقىنى ماسەلەلەرىن بىرگە تالقىلاپ جاتقانى ايتىلدى

06 ءساۋىر 2024 266

قازاقستان مەن رەسەي سۋ تاسقىنى جانە گيدروتەحنيكالىق نىسانداردىڭ جۇمىسى تۋرالى جەدەل اقپارات الماسىپ جاتىر. بۇل جايلى ق ر سۋ رەسۋرستارى جانە يرريگاسيا مينيسترلىگى حابارلادى، دەپ جازدى Alash.KZ ۇلتتىق پورتالى. 

ق ر سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ رەسەي سۋ رەسۋرستارى فەدەرالدى اگەنتتىگىنىڭ باسشىسى دميتريي كيريللوۆپەن تەلەفون ارقىلى تۇراقتى بايلانىستا. تاراپتار گيدروتەحنيكالىق نىسانداردىڭ اپاتسىز جۇمىسىن قامتاماسىز ەتۋ ءۇشىن ەكى ەلدىڭ شەكارالاس ايماقتارىنداعى سۋ تاسقىنى جاعدايىن ءجىتى باقىلاۋدا ۇستاپ وتىر، - دەلىنگەن. 

مالىمدەمەگە سەنسەك، رەسەي فەدەراسياسى اۋماعىندا ءبىرقاتار ترانسشەكارالىق وزەندەردە سۋ تاسقىنى اعىنىنىڭ كۇشەيۋىنە بايلانىستى ق ر سۋ رەسۋرستارى جانە يرريگاسيا مينيسترلىگى روسگيدرومەتپەن تاۋلىك بويى گيدرولوگيالىق دەرەكتەر الماسىپ جاتىر. 

سونداي-اق، ورىنبور جانە ساراتوۆ وبلىستارىنداعى سۋ باقىلاۋ ماماندارىمەن تۇراقتى تۇردە اقپارات الماسىپ جاتقانى جازىلدى

«رەسەيلىك ارىپتەستەرىمىزبەن سوڭعى دەرەكتەردى الماسقاننان كەيىن ەلدەگى سۋ قويمالارىندا ارتاتىن سۋ اعىنىن دالىرەك جۇيەلەۋگە مۇمكىندىگىمىز بار. سونداي-اق اكىمدىكتەر مەن تجد-نى ۋاقتىلى حاباردار ەتە الامىز. رەسەي فەدەراسياسىنىڭ سۋ رەسۋرستارى فەدەرالدى اگەنتتىگىمەن تىعىز ىنتىماقتاستىق ورناتۋ - تابيعاتتان كەلگەن قاتەردىڭ الدىن الۋعا مۇمكىندىك بەرەدى»،- دەدى ق ر سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.

بۇل ماقالا تۋرالى نە ويلايسىز؟