ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قازاقستان ادامزاتتىڭ ورتاق جەڭىسىنە، بوستاندىعىنا ولشەۋسىز ۇلەس قوستى - توقايەۆ

09 مامىر 2024 180

پرەزيدەنت حالىقتى جەڭىس كۇنىمەن قۇتتىقتادى. توقايەۆتىڭ قۇتتىقتاۋى اقوردا سايتىندا جاريالاندى.

“9 مامىردا بەيبىت ءومىر مەن تىنىشتىقتى قورعاۋ جولىندا قۇربان بولىپ، مايدان دالاسىنان قايتپاي قالعان باتىرلارىمىزدىڭ رۋحىنا تاعزىم ەتەمىز. سوعىس جانە تىل ارداگەرلەرىنە شەكسىز ريزاشىلىق ءبىلدىرىپ، ايرىقشا قۇرمەت كورسەتەمىز.

قازاقستان ادامزاتتىڭ ورتاق جەڭىسىنە، جەر بەتىندە ادىلدىك پەن بوستاندىقتىڭ سالتانات قۇرۋىنا ولشەۋسىز ۇلەس قوستى”، – دەدى پرەزيدەنت.

ونىڭ سوزىنشە، اعا بۋىننىڭ ەكىنشى دۇنيەجۇزىلىك سوعىس كەزىندەگى ەرلىگى مەن ەڭبەگى وسكەلەڭ ۇرپاق ءۇشىن قايسارلىقتىڭ، جانقيارلىقتىڭ جانە وتانشىلدىقتىڭ وزىق ۇلگىسى بولىپ قالماق.

“بۇگىندە ءبىز ۇلتىمىزدىڭ قاھارمان ۇل-قىزدارىنىڭ ارقاسىندا الاڭسىز ەڭبەك ەتىپ، ۇرپاق ءوسىرىپ، جارقىن بولاشاققا قادام باسىپ كەلەمىز. سول ءۇشىن ولارعا ماڭگى قارىزدارمىز. ەشكىم دە ەشقاشان ۇمىتىلمايدى! ارداگەرلەرىمىزگە ءاردايىم باس يەمىز! بەيبىتشىلىكتىڭ ءقادىرىن ءتۇسىنىپ، ونى ساقتاي بىلەيىك!  بارشاڭىزعا زور دەنساۋلىق، تولاعاي تابىس تىلەيمىن!  جەڭىس كۇنى قۇتتى بولسىن!”، – دەدى توقايەۆ.

بۇل ماقالا تۋرالى نە ويلايسىز؟