قازاق ءتىلى «مامبەتتەردىڭ ءتىلى» دەپ اتاعان الماتى تۇرعىنىنا سوت شەشىمى شىقتى. بۇل تۋرالى الماتى قالاسىنىڭ پوليسيا دەپارتامەنتى مالىمدەدى.
TikTok-تا قازاق ءتىلىن قورلاعان الماتىلىق 21 جاستاعى ەلينا ليۋ ەسىمدى قىز 2 جىلعا سوتتالدى.
ول 2023 جىلدىڭ كۇزىندە، اتالعان جەلىدەگى ونلاين ترانسلياسيادا قازاق ءتىلىن ۇناتپايتىنىن، ول مامبەتتەر ءتىلى ەكەنىن، مامبەتتەردىڭ كەسىرىنەن اباي كوشەسىندە كەپتەلىس بولاتىنىن ايتقان. كەيىننەن ونىڭ سوزدەرى ساراپتاماعا جىبەرىلىپ، ۇستىنەن ءىز قوزعاعان.
ەلينا ليۋ جەلى قولدانۋشىسى اشۋىنا تيگەنىن ايتىپ اقتالدى. الايدا ول ەكى جىل ەڭ تومەنگى جازاسىن قاۋىپسىزدىك كولونياسىندا وتەيتىن بولدى. ال بالاسى اجەسىنە بەرىلەدى.
ۆيدەو: قازاق ءتىلىن قورلاعان قىز 2 جىلعا سوتتالدى
