ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قازاق جىگىتى سانكت-پەتەربۋرگتە سۋعا باتقان اۆتوبۋس جولاۋشىلارىن اجالدان اراشالاپ قالدى

11 مامىر 2024 2341

قازاقستاننىڭ تۋماسى ەرحان احانوۆ سانكت-پەتەربۋرگ قالاسىندا كوپىردەن قۇلاپ، سۋعا باتىپ كەتكەن اۆتوبۋس جولاۋشىلارىنا كومەك كورسەتكەن. بۇل جايلى شەتەل بۇقارالىق اقپارات قۇرالدارى جازىپ جاتىر، دەپ حابارلايدى Alash.KZ ۇلتتىق پورتالى Fontanka.ru پورتالىنا سىلتەمە كورسەتىپ وتىرىپ.

قازاقستاندا تۋعان ەرحان احانوۆ 10 مامىر كۇنى تۇستەن كەيىن جۇمىستان قايتىپ كەلە جاتقان كەزدە سىنعان قورشاۋ مەن باتىپ بارا جاتقان اۆتوبۋستى كورگەن.ول بىردەن سۋعا سۇڭگىمەك بولعان.الايدا باسقا كۋاگەرلەر ونى بۇل ويىنان باس تارتۋعا كوندىرگەن. كەيىن ەرجان كولىككە بارىپ، باگاجدان تروسس العان. ونى قورشاۋعا بايلاعان. الدىمەن تروسس القىلى داعىستاندىق سۋعا تۇسكەن. 

"جىگىتتەر ليۋكتى اشىپ، ايەلدى شىعارىپ الۋعا ارەكەتتەنە باستادى، مەن وعان العاشقى مەديسينالىق كومەك كورسەتۋ ءۇشىن جۇرەك ماسساجىن جاساي باستادىم. سۋ سىرتقا شىققاندا ايەل تۇنشىعىپ قالدى. مەن ونى بۇيىرلەتىن، قايتادان جۇرەك ماسساجىن جاساي باستادىم. بالالاردىڭ ءبىرى كومەكتەسكە كەلدى، كەۋدەسىن باسىپ، جاساندى تىنىس العىزا باستادى"، - دەدى ول.

تۇرعىندار تاعى ءبىر جولاۋشىنى شىعارىپ الا العان، ءبىراق وزگە جولاۋشىلاردى قۇتقارۋ مۇمكىن بولماعان. ارنايى قۇرالداردىڭ بولماۋى، اينەكتى سىندىراتىن ەشتەڭەنىڭ تابىلماۋى دا اياققا تۇساۋ بولعان. 

ەرحان احانوۆتىڭ ءوزىنىڭ بۇل ارەكەتىن ەرلىك دەپ سانامايدى.

ول قازاقستاندا دۇنيەگە كەلگەن، ءبىراق سوڭعى ءۇش جىل سانكت-پەتەربۋرگتە تۇرادى. وندا كولىك جۇرگىزۋشى بولىپ جۇمىس ىستەيدى.

 

بۇل ماقالا تۋرالى نە ويلايسىز؟