ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"قايتىس بولعاندار اتىنان جالاقى العان". ءبىلىم بەرۋ سالاسىندا 14 ملرد تەڭگە ۇرلانعان

10 ءساۋىر 2024 236
سىبايلاس جەمقورلىققا قارسى ءىس-قيمىل اگەنتتىگى ءبىلىم سالاسىنداعى ۇرلىقتى قۇرىقتادى. رەسمي وكىل دانيار بەگايداروۆ 15 ايدا 14 ملرد تەڭگەدەن استام شىعىن كەلتىرگەن سىبايلاس جەمقورلىق دەرەكتەرى تۋرالى مالىمدەدى، دەپ حابارلايدى Alash.KZ ۇلتتىق پورتالى. 

بەگايداروۆ ءبىلىم بەرۋ سالاسىندا 2023 جىلدان باستاپ بيىلعى جىلدىڭ ءبىرىنشى توقسانىنا دەيىن ەڭبەكاقى تولەۋ قورىنان قاراجات ۇرلانعانىن ايتىپ،قىلمىستىق ىس-ارەكەتتەر اشكەرە بولعانىن اتادى. 

"بۋحگالتەرلەر ۇلتتىق ءبىلىم بەرۋ بازاسى، مەكتەپتىڭ بۋحگالتەرلىك ەسەپ جۇيەلەرى جانە كليەنتتەردىڭ قازىناشىلىق جۇيەسى اراسىنداعى ينتەگراسيانىڭ جوقتىعىن پايدالاندى. ولار تولەم قۇجاتتارىنا قولمەن تۇزەتۋلەر ەنگىزىپ، بيۋدجەت اقشاسىن ۇرلادى. جىمقىرۋشىلىق جىل سايىنعى بيۋدجەتتىك وتىنىمدەردى قالىپتاستىرۋ كەزىندە دە ىسكە اسقان"، - دەدى سپيكەر.

دانيار بيگايداروۆتىڭ ايتۋىنشا، ۇستازدار بەلگىلەنگەن نورمادان جوعارى جالاقى الىپ جۇرگەن. بوگدە تۇلعالاردىڭ دەرەكتەمەلەرى بويىنشا وزدەرىنىڭ شوتتارىنا بوگدە ادامداردىڭ جالاقىلارىن قوسا ەسەپتەگەن. سونىمەن قاتار، "قايتىس بولعان" ادامدارعا جالاقى ەسەپتەگەن.

"اگەنتتىك ءبىلىم بەرۋ سالاسىندا وسىنداي 206 قىلمىستىق ءىستى تىركەدى. ولار بويىنشا زالال 14 ملرد تەڭگەدەن استى. جالپى، ۇرلىقتىڭ ەڭ ۇلكەن سوماسى تۇركىستان، جەتىسۋ، قىزىلوردا، الماتى، اقتوبە وبلىستارى مەن الماتى قالاسىندا انىقتالدى. ۇرلاۋ فاكتىلەرى تەكسەرىلۋدە. مىسالى، جاقىندا عانا جەتىسۋ وبلىسىنداعى سىبايلاس جەمقورلىققا قارسى قىزمەت سارقان اۋدانىنىڭ بيۋدجەتتىك ءبىلىم ءبولىمى باسشىسىنىڭ زاڭسىز قىزمەتىن توقتاتتى. ول وسى ءبولىمنىڭ بۋحگالتەرلەرىنىڭ شوتتارىنا ارتىق بەلگىلەنگەن جالاقىنى زاڭسىز اۋدارۋ ارقىلى 1 ملرد تەڭگە سوماسىندا اسا ءىرى مولشەردە بيۋدجەت قاراجاتىن ۇرلادى دەپ كۇدىكتەلۋدە"، - دەپ تولىقتىردى ول.

انتيكوردىڭ مالىمەتىنشە، تەرگەۋ ارەكەتتەرى كەزىندە 156 ملن تەڭگە سوماسىندا اقشالاي قاراجات تابىلىپ، تاركىلەندى. كۇدىككە ىلىنەن ازاماتت سوتتىڭ سانكسياسىمەن قاماۋعا الىندى. ءقازىر اتالمىش ءىس بويىنشا تەرگەۋ جالعاسىپ جاتىر.

بۇل ماقالا تۋرالى نە ويلايسىز؟