ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قايرات نۇرتاس تابىلعان ءتىزىم: Love ايكا 6،5 جىلعا سوتتالدى

21 مامىر 2024 1165

ايكا دەگەن اتپەن تانىمال مىرزاحمەتوۆا اسا ءىرى كولەمدە ەسىرتكى ساقتادى جانە «ەليتالىق ەسكورتتار» جەلىسىن ۇيىمداستىردى دەپ ايىپتالدى. بۇل تۋرالى Alash.kz مالىمدەيدى. 

الماتى قالاسى اۋەزوۆ اۋداندىق سوتى مىرزاحمەتوۆا مەن ونىڭ سىبايلاسىنا ۇكىم شىعاردى.

سوتتا انىقتالعانداي، مىرزاحمەتوۆا مەفەدروندى ساقتاپ، وزىمەن بىرگە زاڭسىز تاسىمالداعان. ول ءۇش جىل بويى «ەليتالىق ەسكورتتار» جەلىسىنىڭ ۇيىمداستىرۋشىسى بولدى. سۋتەنەر پايىزدى دەلدالدار ارقىلى الىپ وتىرعان. 

«سوت وتىرىسى جابىق ءوتتى. قىلمىستىق ءىس باپتىڭ 4-بولىگى بويىنشا قارالدى. ايىپتالۋشىلاردىڭ كىناسى كۋالاردىڭ ايعاقتارىمەن، ساراپتاما قورىتىندىلارىمەن جانە باسقا دا ماتەريالدارمەن دالەلدەندى»، - دەلىنگەن حابارلامادا.

مىرزاحمەتوۆا كىناسىن ءىشىنارا مويىندادى. ناتيجەسىندە ول التى جارىم جىلعا باس بوستاندىعىنان ايىرىلدى. سوتتا وكىنۋ، قىلمىستى اشۋعا كومەكتەسۋ، كىشكەنتاي بالاسىنىڭ بولۋى ەسكەرىلدى. ال سىبايلاسى ءۇش جىل سەگىز ايعا باس بوستاندىعىنان ايىرىلدى.

بۇل ماقالا تۋرالى نە ويلايسىز؟