ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قانشا الماتىلىق بانكروتتىققا ءىلىندى؟

20 مامىر 2024 261

مەملەكەتتىك كىرىستەر دەپارتامەنتىندە الماتىلىقتاردىڭ قانشاسى بانكروت دەپ تانىلعانى ايتىلدى.

قالادا جىل باسىنان بەرى 1727 ءوتىنىش بەرىلگەن. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى بويىنشا مەملەكەتتىك كىرىستەر دەپارتامەنتىنىڭ قارىزىن وتەي المايتىن بورىشكەرلەرمەن جۇمىس باسقارماسىنىڭ باسشىسى ايدوس بۋدۋگۋلوۆ مالىمدەدى.

زاڭ 2023 جىلى ناۋرىزدان باستاپ كۇشىنە ەندى. زاڭدى ىسكە اسىرۋدىڭ ماقساتى - ازاماتتاردىڭ بورىشتىق جۇكتەمەسىن ازايتۋ. زاڭ كۇشىنە ەنگەن كۇننەن باستاپ الماتى قالاسى بويىنشا كەلىپ تۇسكەن وتىنىشتەردىڭ سانى - 8100، ونىڭ ىشىندە بيىل 1727 ءوتىنىش تۇسكەن.

  • 6 664 005 898 (6،6 ملرد) تەڭگە سوماسىندا بانكروت دەپ تانىلعان 1 134 ازاماتقا قاتىستى راسىمدەر اياقتالد (جىل باسىنان بەرى 370 بانكروت 3 016 427 806 (3 ملرد.) تەڭگە سوماسىندا)؛
  • 5 980 (جىل باسىنان بەرى 1 046) ءوتىنىش بويىنشا ازاماتتار ءراسىمدى قولدانۋدان باس تارتۋ تۋرالى حابارلاما الدى؛
  • 676 ءوتىنىش قابىلدانىپ، قارجىلىق مونيتورينگ جۇرگىزىلۋ باستالدى.

سونداي-اق، سپيكەر تولەم قابىلەتتىلىگىن قالپىنا كەلتىرۋ ءتارتىبىن ءتۇسىندىردى. تولەم قابىلەتتىلىگىن قالپىنا كەلتىرۋ ارقىلى تۇراقتى تابىس كوزى بولعان جاعدايدا قارىزدى 5 جىلعا دەيىن ءبولىپ تولەۋ مۇمكىندىگى قاراستىرىلادى.

بورىشكەرگە قويىلاتىن جالعىز شارت قارىز سوماسى قارىز الۋشىنىڭ مەنشىگىندەگى مۇلىكتىڭ قۇنىنان اسپاۋى كەرەك.

بۇل ماقالا تۋرالى نە ويلايسىز؟