بۇرىنعى قورعانىس ءمينيسترى مۇرات بەكتانوۆتى قاماۋ مەرزىمى 20 ماۋسىمعا دەيىن ۇزارتىلدى. بۇل جونىندە الماتى قالالىق سوتىنىڭ باسپا ءسوز قىزمەتى حابارلادى.
19 اقپاندا باس پروكۋراتۋرا قىلمىستىق كودەكستىڭ "بيلىكتەگى ارەكەتسىزدىك" بابى بويىنشا بۇرىنعى مينيستر مۇرات بەكتانوۆتىڭ ۇستىنەن قىلمىستىق ءىس قوزعاپ، 20 قاڭتاردا ەكى اي مەرزىمگە قاماۋعا العان ەدى.
مۇرات بەكتانوۆ 2021 جىلى تامىزدا جامبىلداعى ءاسكەري قويماداعى جارىلىستان كەيىن قورعانىس ءمينيسترى بولىپ تاعايىندالعان ەدى.
2022 جىلى 19 قاڭتاردا قازاقستان پرەزيدەنتى قاسىم-جومارت توقايەۆ ونى "قاڭتار وقيعالارى كەزىندە كومانديرلىك قابىلەتىن كءورسەتە المادى" دەپ كىنءالاپ، قىزمەتىنەن بوساتقان.
قازاقستان پرەزيدەنتى "قاڭتار وقيعاسى كەزىندە قارۋلى كءۇشتەر ءوزىنە سەنىمسىز ءاءرى قابىلەتسىز باسشىلىق سالدارىنان جءۇكتەلگەن مىندەتتەردى ءتيىستى دەڭگەيدە اتقارا المادى. مينيستر بەكتانوۆ كومانديرلىك قابىلەتىن كءورسەتە المادى. ءاسكەري جاتتىعۋلار كەزىندە وڭ نءاتيجە كءورسەتكەن ارميامىز بولا تۇرا، سىن ساعاتتا ءالەۋەتىن پايدالانا المادىق. سىرتتان كءومەك شاقىرۋعا مءاجبءۇر بولدىق" دەگەن ەدى.
نارازىلىق كءۇندەرى قاسىم-جومارت توقايەۆتىڭ شاقىرۋىمەن قازاقستانعا ۇجىمدىق قاۋىپسىزدىك شارتى ۇيىمىنىڭ ءاسكەرى كەلگەن. قازاقستان بيلىگى "بۇل كءۇش ستراتەگيالىق نىسانداردى كءۇزەتەدى" دەپ مءالىمدەگەن.
2022 جىلدىڭ باسىندا گاز باعاسىن 50 تەڭگەدەن اسىرماۋ تۋرالى تالاپپەن ەرەۋىلگە شىققان جاڭاءوزەن تۇرعىندارىن قولداۋ ءۇءشىن قازاقستاننىڭ كءوپتەگەن ايماعىندا باستالعان اكسيالار بىرتىندەپ ساياسي تالاپ قويعان نارازىلىققا ۇلاسقان. رەسمي مءالىمەت بويىنشا، 227 ادام وسى وقيعادا قازا بولعان.
قاڭتاردىڭ 6-سىنا، نارازىلىق كءۇشەيگەن تۇستا قازاقستان ۇلتتىق قاۋىپسىزدىك كوميتەتىنىڭ تءوراعاسى كءاءرىم مءاءسىموۆتى "مەملەكەتكە وپاسىزدىق جاسادى" دەگەن ايىپپەن قاماعان. ءبىر اپتادان سوڭ وعان "بيلىكتى كءۇشپەن باسىپ الماق بولدى" دەگەن تاعى ءبىر ايىپ قوسقان. كءاءرىم مءاسىموۆتەن كەيىن ونىڭ ءۇش ورىنباسارى دا قامالعان بولاتىن.
