ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قاڭتار وقيعاسىنا بايلانىستى ۇستالعاندار قاتارىندا وزبەكستان، رەسەي، قحر ازاماتتارى بار

08 اقپان 2022 137
الماتىداعى تەرگەۋ يزولياتورىندا قاڭتار وقيعاسىنا قاتىسقان 300-گە جۋىق تۇتقىن جاتىر. قىلمىس جاساپ، سوت سانكسياسىمەن قاماۋعا الىنعانداردىڭ اراسىندا ءتورت ەلدىڭ ازاماتتارى دا بار، دەپ حابارلايدى Alash.kz پورتالى Azattyq Rýhy-نا سىلتەمە جاساپ.

الماتىداعى تەرگەۋ تۇرمەسىنىڭ سىيىمدىلىعى 1360 ادامعا ارنالعان. الايدا ول جەردە قازىرگى تاڭدا 1416 تۇتقىن جاتىر. قاڭتارداعى جاپپاي تارتىپسىزدىككە قاتىسقان تۇتقىندار سانى كوبەيگەندىكتەن ادام قۇقىعىن قورعاۋ جونىندەگى قوعامدىق ۇيىم وكىلدەرىنىڭ دە كەلۋى جيىلەگەن. سەبەبى، ەل كولەمىندە تۇتقىنداردى ازاپتاۋ قوعامنىڭ نارازىلىعىن تۋدىرعان ەدى. قاماۋداعى ازاماتتاردىڭ احۋالىمەن تانىسۋ ءۇشىن لا-155/18 مەكەمەسىن پارلامەنت ءماجىلىسىنىڭ دەپۋتاتتارى دا ارالاۋعا كىرىستى. وقيعادان سوڭ ءبىر اي ۋاقىت وتكەندە تەرگەۋ يزولياتورىنا كەلگەن دەپۋتاتتار 11 تۇتقىندى قابىلداپ، ولاردىڭ ارىز-شاعىمدارىن تىڭدادى.


«ق ر پارلامەنت ءماجىلىسىنىڭ جانە الماتى قالاسى ءماسليحاتىنىڭ دەپۋتاتتارى، ادۆوكاتتار مەن ارداگەرلەر كەلىپ، ۇستالعانداردىڭ جاعدايىمەن تانىستى. تەرگەۋ يزولياتورىنا كەلگەن دەپۋتاتتار مەن ادۆوكاتتارعا الماتى قالاسى پروكۋرورىنىڭ ورىنباسارى ن. اۋعانبايەۆ پەن الماتى قالاسى بويىنشا قىلمىستىق-اتقارۋ جۇيەسى دەپارتامەنتىنىڭ باستىعى ادىلەت پولكوۆنيگى د. قاناتبەكوۆ لا-155/18 مەكەمەنىڭ قىزمەتىن ۇيىمداستىرۋ جانە قاڭتار وقيعاسى كەزىندە قامالعانداردى تەرگەپ-تەكسەرۋ ءتارتىبى جايلى اقپارات بەردى. ءماجىلىس دەپۋتاتتارى تەرگەۋ يزولياتورىنداعى تەكسەرۋدەن كەيىن قاڭتار وقيعاسىنا قاتىستى ۇستالعان 11 كۇدىكتىنى جەكە قابىلداپ، وتىنىشتەرىن تىڭدادى. ۇستالعانداردى جەكە قابىلداۋ كەزىندە مەكەمەدەگى ۇستاۋ جاعدايلارىنا، ونىڭ ىشىندە ازاپتاۋلارعا قاتىستى شاعىمدار بولعان جوق»، – دەدى لا-155/18 مەكەمەسىنىڭ باستىعى، ادىلەت پودپولكوۆنيگى ءا. جۇمادييەۆ.

جۇمادييەۆتىڭ سوزىنشە، تەرگەۋ يزولياتورىنا كەلەتىن تەرگەۋشىلەر دە، ادام قۇقىعىن ساقتايتىن ءتۇرلى ۇيىمداردىڭ وكىلدەرى دە كوبەيگەن. لا-155/18 مەكەمەسىندەگى كۇدىكتىلەردىڭ جاعدايى قوعامدىق باقىلاۋ كوميسسياسى وكىلدەرىنىڭ دە نازارىندا. ول جەردەگى قىزمەتكەرلەردىڭ مىندەتى، كەلۋشىلەر مەن كۇدىكتىلەردىڭ قاۋىپسىزدىگىن قامتاماسىزۋ ەتۋ. ادام قۇقىقتارى جونىندەگى ۋاكىل، «ادام قۇقىعىنا ارنالعان حارتيا» قوعامدىق قورىنىڭ ديرەكتورى دا ۇستالعانداردىڭ ويىن تىڭداعان. تەرگەۋ يزولياتورىنا جەتكىزىلگەندەردىڭ اراسىندا كامەلەتتىك جاسقا تولماعان ءجاسوسپىرىم دە بار. ودان بولەك تەرگەۋ يزولياتورىنىڭ مەديسينا-سانيتارلىق بولىمىندە قاڭتار قاقتىعىسى كەزىندە جارالانعان كۇدىكتىلەردە ەم الىپ جاتىر.


«بارلىعى 1416 ادام قاماۋدا، تولتىرۋ ءليميتى – 1360، قاڭتار وقيعاسىنا بايلانىستى بارلىعى – 375 ادام، سوت سانكسيالارىنىڭ اۋىستىرىلۋىنا بايلانىستى 88 ادام بوساتىلدى. تارتىپسىزدىكتەرگە قاتىسقانى ءۇشىن مەكەمەدە 287 ادام قاماۋدا جاتىر. ولاردىڭ ىشىندە: ەرلەر – 280، ايەلدەر – 6، كامەلەتكە تولماعاندار – 1.

شەتەل ازاماتتارى: قحر – 1، رف – 2، وزبەكستان – 8، تاجىكستان – 1. مەديسينالىق بولىمشەدە – 13 ادام، ال قايتىس بولعاندار جوق»، – دەدى الماتى قالاسى جانە الماتى وبلىسى  بويىنشا قوعامدىق باقىلاۋ كوميسسياسىنىڭ ءتورايىمى ارداق ءجانابىلوۆا.

«امانات» قورىنىڭ وكىلدەرى مەن قۇرامىندا بەلگىلى قۇقىق قورعاۋشىلار، قىلمىستىق ءىس جۇرگىزۋ قۇقىعى بويىنشا ماماندانعان زاڭگەرلەردەن قۇرالعان تاۋەلسىز كوميسسيا مۇشەلەرى قاڭتارداعى قاقتىعىس كەزىندە قاماۋعا الىنعان كۇدىكتىلەرگە جان-جاقتى قۇقىقتىق كومەك كورسەتىپ جاتىر. باس پروكۋراتۋرانىڭ مالىمەتىنشە، قولعا تۇسكەندەردىڭ اراسىندا تىيىم سالىنعان ەكسترەميستىك اعىمداردىڭ 35 مۇشەسى دە بار.
«ءقازىر قاماۋعا الىنعاندار اراسىندا تىيىم سالىنعان ەكسترەميستىك اعىمداردىڭ 35 مۇشەسى بار. الماتىدا دەسترۋكتيۆتى ءدىني اعىمنىڭ قىلمىستىق باعىتتاعى ءبىر توپ مۇشەسى ۇستالدى. ۇستاۋ كەزىندە قولدانۋعا دايىن اتىس قارۋى تابىلدى. ولار ءوز ارەكەتتەرىن جاقسىلاپ جوسپارلاعان. ءبىر بولىگى قالانىڭ تومەنگى بولىگىندەگى بارريكادالاردا، ال ەكىنشىسى الاڭدا بولعان»، – دەدى ارنايى پروكۋرورلار قىزمەتىنىڭ باسشىسى ريزابەك وجاروۆ.
بۇل ماقالا تۋرالى نە ويلايسىز؟