ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قايرات قۇدايبەرگەننىڭ اتاسى توقايەۆتان اراشا سۇرادى

27 مامىر 2022 76




قاڭتار وقيعاسىنان كەيىن كۇدىكتى رەتىندە ۇستالعان الماتى ءماسليحاتىنىڭ دەپۋتاتى قايرات قۇدايبەرگەننىڭ اتاسى، الماتى قالاسى الاتاۋ اۋداندىق ارداگەرلەر ۇيىمىنىڭ ءتوراعاسى قابدولدين قۇدايبەرگەن پرەزيدەنت قاسىم-جومارت توقايەۆقا ۇندەۋ جولدادى.

ەسكە سالساق، قايرات قۇدايبەرگەنگە «جاپپاي تارتىپسىزدىكتى ۇيىمداستىرۋ جانە قاتىسۋ» بابى بويىنشا ايىپ تاعىلعان.
«الماتى قالاسىنىڭ باسشىلارى، باسقا دەپۋتاتتار الاڭدا كورىنبەدى. ال ەندى، سول قايراتتى قاڭتار وقيعاسىنىڭ ۇيىمداستىرۋشىسى رەتىندە قاماۋدا ۇستاپ وتىر. بۇل قۇقىق قورعاۋ ورگاندارىنىڭ جىبەرىپ وتىرعان ۇلكەن كەمشىلىگى. ءسىزدىڭ جاڭا قازاقستان قۇرامىز دەپ وتىرعان ماقساتىڭىزعا قايشى. سوت جۇيەسى تەك ونلاين تۇردە ءوتىپ جاتىر، 1937 جىلعى قۋعىن-سۇرگىن زاماندى ەسكە تۇسىرەدى. سوندىقتان سىزدەن ءوتىنىپ سۇرايتىنىم – ءادىل شەشىم شىعارۋعا كومەكتەسىڭىز» دەلىنگەن نە حابار Telegram-ارناسىندا جاريالانعان ءوتىنىش ماتىنىندە.

قايرات قۇدايبەرگەننىڭ اتاسى پرەزيدەنتتەن اراشا سۇرادى

ۇندەۋ استىندا جەلى قولدانۋشىلارى قايرات قۇدايبەرگەننىڭ جازىقسىز قامالعانىن العا تارتىپ، ونى بوساتۋدى تالاپ ەتۋدە.

ەسكە سالساق، الماتى قالالىق سوتى قايرات قۇدايبەرگەندى قاماۋدا ۇستاۋ مەرزىمىن ەكى ايعا ۇزارتقان.







دەرەككوز
بۇل ماقالا تۋرالى نە ويلايسىز؟